Armeniia premer-ministrı Nikol Paşinian Qazaqstan Prezidentı Qasym-Jomart Toqaevty Respublika künımen qūttyqtady, dep habarlaidy "Adyrna" ūlttyq portaly.
Qūttyqtau hatynda Paşinian Qazaqstannyŋ täuelsız memlekettılıgın nyǧaituǧa, saiasi jäne azamattyq instituttardyŋ damuyna, sondai-aq äleumettık-ekonomikalyq jäne mädeni örkendeuge baǧyttalǧan reformalardyŋ maŋyzyn atap öttı.
«Sızdıŋ köregen saiasatyŋyz ben jüielı qadamdaryŋyzdyŋ arqasynda Qazaqstan aimaqtyq jäne jahandyq deŋgeide maŋyzdy röl atqaryp, halyqaralyq arenada zor qūrmetke ie boldy», - dedı ol.
Armeniia premer-ministrı ekı el arasyndaǧy dostyq pen özara qūrmetke negızdelgen qarym-qatynastardyŋ dami tüsetınıne senım bıldırdı. Sonymen qatar, Paşinian aldaǧy uaqytta josparlanǧan Qazaqstanǧa resmi sapary kezınde memleketaralyq yntymaqtastyq mäselelerın talqylauǧa niettı ekenın aitty.
«Sızge myqty densaulyq jäne dostas Qazaqstan halqy igılıgı jolyndaǧy eŋbegıŋızge tabys tıleimın», - dep tüiındedı Nikol Paşinian.
Aita ketsek, biyl tamyz aiynda Qasym-Jomart Toqaev Paşinianmen telefon arqyly söilesıp, Armeniia premer-ministrınıŋ Astanaǧa resmi saparyna daiyndyq bastalǧanyn habarlaǧan bolatyn.
