Memleket basshysy Túrkııa prezıdenti Rejep Taıyp Erdoǵanmen telefon arqyly sóılesti. Bul týraly Aqorda jarııalady, dep habarlaıdy “Adyrna” ulttyq portaly.
Qasym-Jomart Toqaev Erdoǵandy prezıdent saılaýyndaǵy jeńisimen quttyqtady. Odan bólek, Memleket basshysy Túrkııa Respýblıkasynyń 100 jyldyǵy qarsańynda ótken prezıdent saılaýyndaǵy Rejep Taıyp Erdoǵannyń aıqyn jeńisi onyń Túrkııany damytýǵa qosqan zor úlesi men qoǵamdaǵy bıik bedeliniń nátıjesi ekenin atap ótti.
Sondaı-aq, Toqaev Túrkııa prezıdentin bıyl kúzde túrki áleminiń rýhanı astanasy – Túrkistanda ótetin túrki memleketteri uıymynyń 10-mereıtoılyq sammıtine qatysýǵa shaqyrdy.
Rejep Taıyp Erdoǵan memleket basshysyna alǵys aıtyp, baýyrlas Qazaqstan halqynyń ósip-órkendeı berýine tilektestik bildirdi.
