Respublika künı qarsaŋynda Almaty qalasynda äleumettık salany damytuǧa, qalalyq infraqūrylymdy jaŋǧyrtuǧa, ömır süru sapasyn arttyruǧa jäne ekonomikalyq äleuettı keŋeituge baǧyttalǧan 60-tan astam joba jüzege asyrudyŋ soŋǧy kezeŋıne jettı.
Auqymdy jūmystar megapolistıŋ segız audanyn qamtidy jäne elımızdıŋ 35 jyldyǧyna orai ūiymdastyrylyp, Almatynyŋ el damuynyŋ jetekşı ortalyǧy retındegı rölın aiqyndaidy.
Äleumettık sala
Respublika künıne daiyndyq aiasynda qalada bılım beru jäne äleumettık qoldau nysandaryn paidalanuǧa beru aiaqtaluda.
20 joba jüzege asyrylyp jatyr, olardyŋ qatarynda jaŋa jalpy bılım beretın mektepter, balabaqşalar, mamandandyrylǧan mekemeler men belsendı ūzaq ömır süru ortalyqtary bar.
Būl bastamalar balalarǧa qosymşa oryndar aşuǧa, inkliuzivtı orta qalyptastyruǧa jäne äleumettık qyzmetterge qoljetımdılıktı keŋeituge mümkındık beredı.
İnfraqūrylym jäne abattandyru
Eŋ auqymdy baǧyt – qalalyq ortany jaqsartuǧa baǧyttalǧan 32 joba.
«Halyq qatysatyn biudjet» baǧdarlamasy jäne keşendı qalalyq jobalar aiasynda aulalardy abattandyru, saiabaqtar men skverler salu, jaiau jürgınşıler men demalys aimaqtaryn qūru, aumaqty kögaldandyru, köşe jaryǧyn jaŋartu jäne şaǧyn säulet nysandaryn ornatu jūmystary jürgızılude.
Būl şaralar qalalyq ortanyŋ jailylyǧyn arttyryp, qoǧamdyq keŋıstıkterdı damytyp, tūrǧyndardyŋ belsendı demalysyna qolaily jaǧdai jasaidy.
Önerkäsıp jäne ekonomika
Qalanyŋ industriialyq aimaǧynda 9 jaŋa öndırıs nysany paidalanuǧa berılude.
Olardyŋ qatarynda avtomobil zauyty, şyny ydys şyǧaratyn, kartridj öndıretın jäne basqa da önerkäsıptık käsıporyndar bar.
Jaŋa öndırısterdıŋ ıske qosyluy jūmys oryndaryn aşuǧa, salyq bazasyn keŋeituge jäne Almatynyŋ ekonomikalyq äleuetın nyǧaituǧa yqpal etedı.
Kommunaldyq jüielerdı jaŋǧyrtu
İnjenerlık infraqūrylym salasynda 4 ırı joba jüzege asyryluda.
Olar – su jäne kärız jelılerın, jylu magistralın salu jäne qaita jaŋartu, kommunaldyq jüielerdı modernizasiialau.
Būl jūmystar halyqqa kommunaldyq qyzmetterdıŋ senımdılıgı men qoljetımdılıgın arttyruǧa baǧyttalǧan.
Audandardy keşendı damytu
Jobalar qalanyŋ barlyq segız audanyn qamtyp, jaily qalalyq orta qalyptastyruǧa, äleumettık infraqūrylymdy damytuǧa, qoǧamdyq keŋıstıkterdı abattandyruǧa jäne kommunaldyq jüielerdı jaŋǧyrtuǧa baǧyttalǧan.
Is-şaralar biudjet qarajaty esebınen de, sondai-aq tūrǧyndardyŋ bastamasy arqyly «Halyq qatysatyn biudjet» baǧdarlamasy aiasynda da jüzege asyryluda.
Būl öz kezegınde halyqtyŋ özektı sūranystaryn naqty şeşuge mümkındık beredı.
60-tan astam jobanyŋ jüzege asyryluy – Almaty äkımdıgınıŋ äleumettık salany damytu, tūraqty qalalyq infraqūrylym qalyptastyru jäne önerkäsıptık äleuettı nyǧaitu baǧytyndaǧy jüielı jūmysynyŋ aiqyn nätijesı.
Nysandardyŋ tolyq tızımı sıltemede berılgen.
