Oblys äkımı Nūrlybek Nälıbaevtyŋ qatysuymen Sabalaq eldı mekenıne gaz qosu räsımı öttı. Oǧan Parlament Mäjılısınıŋ deputattary Mūrat Äbenov, Marhabat Jaiymbetov,Mūrat Ergeşbaev, qūqyq qorǧau organdarynyŋ bırınşı basşylary, mäslihat deputattary, ziialy qauym ökılderı men el aǧalary arnaiy qatysty.
Aimaq basşysy tūrǧyndardy köpten kütken igılıktıŋ ıske asuymen qūttyqtady.
«Memleket basşymyz Qasym-JomartKemelūlyqalamyzda ötken Ūlttyq qūryltaida: «Soŋǧy jyldary Qyzylorda oblysy zaman talabyna sai ösıp-örkendep jatyr» dep, aimaǧymyzdyŋ barlyq salada qarqyndy damyǧanyn erekşe atap öttı. Cyr öŋırınde atqarylǧan jūmystarǧa oŋ baǧasyn berdı.
Tarihi missiiasy maŋyzdy jiynda Memleket basşymyz Qyzylorda qalasynda 300 oryndyq köpbeiındı auruhana qūrylysy bastalǧanyn, aldaǧy uaqytta 500 oryndyq emhana men 200 oryndyq perzenthana salynatynyn, jaŋa drama teatr men zamanaui Prezidenttık kıtaphana qūrylysy bastalatynyn jariialady.«Batys Europa – Batys Qytai» halyqaralyq avtodälızınıŋ Qyzylorda – Aqtöbe baǧytyndaǧy jolyn tört jolaqty etıp keŋeitu jobasy, «Beineu – Sekseuıl» jolynyŋ qūrylysy biyl qolǧa alynatynyn aitty. Būl – Memleket basşymyzdyŋ Syr jūrtşylyǧyna ystyq yqylasy, tūrǧyndarymyzdyŋ bekem bırlıgı men tatu tırlıgınıŋ nätijesı!
Halqymyzda «Mūraty bırdıŋ quaty bır» degen söz bar. Auyldyŋ damuy, keleşegı Sızderge, tūrǧyndardyŋ eŋbekqorlyǧymen auyzbırlıgıne bailanysty. Sabalaqqa qosylǧan kögıldır otyn halyqtyŋ tūrmys sapasyn arttyryp, äleumettık jaǧdaiyn jaqsartuǧa oŋ äser etedı dep senemız!», – dedı N.Nälıbaev.
Räsımde aimaqtyŋ äleumettık-ekonomikalyq damuyna üles qosqan tūrǧyndar jäne merdıger mekeme qyzmetkerlerı oblys äkımınıŋ Alǧys hatymen marapattaldy. Parlament Mäjılısınıŋ deputattary Mūrat Abdulamitūly, Marhabat Jaiymbetūly, Mūrat Nälqojaūly qūttyqtau söz söiledı. Qyzylorda qalasynyŋ qūrmettı azamaty Sailaubai Äbışev batasyn berdı.
Aita keteiık, Qyzylorda qalasynda 80-ge juyq saiajai bar, onyŋ 10-ǧa juyǧynda halyq tyǧyz qonystanǧan. Osyǧan bailanysty bas josparǧa özgerıster engızılıp, bırqatar saiajaiǧa «Tūrǧyn üi aumaǧy» märtebesı berıldı.
Sabalaq saiajaiy qala şekarasyna engızılıp, infraqūrylym jetkızuge mümkındık jasaldy. Soŋǧy tört jylda būl aumaqqa 6 mlrd teŋgeden astam qarjy bölınıp, 22 şaqyrym auyz su magistralı tartyldy. Su mūnarasy ornatylyp, elektr jelısı jürgızıldı, 20-ǧa juyq köşege ortaşa jöndeu jasaldy.
Sonymen qatar, memleket jäne qoǧam qairatkerı Mūrat Baqtiiarūly biznestıŋ äleumettık jauapkerşılıgı aiasynda «Orda skul-2» jeke mektebın memleket menşıgıne berdı.
Sabalaqqa 3,2 mlrd teŋgege gaz tartylyp, 1 694 üige kögıldır otyn qosylady. Aldaǧy uaqytta basqa da saiajailarǧa kezeŋ-kezeŋımen infraqūrylym jürgızıledı.
