Qazaqstannyŋ Bas prokuraturasy marqūm Bolat Nazarbaevtyŋ ūly, eks-prezident Nūrsūltan Nazarbaevtyŋ nemere ınısı Nūrbol Nazarbaevtyŋ aktivterıne qatysty jūmystar atqaryp jatqanyn rastady. Būl turaly Bas prokuror Berık Asylov Mäjılıs deputatynyŋ saualyna bergen resmi jauabynda mälımdedı, dep habarlaidy «Adyrna».
24 qyrküiekte Mäjılıs deputaty Rinat Zaiytov Nūrbol Nazarbaevtyŋ sot şeşımımen 57 milliard teŋge kölemındegı aktivterınen aiyrylǧanyn jäne onyŋ barlyq bank şottary būǧattalǧanyn habarlaǧan bolatyn.
Deputattyŋ aituynşa, Bolat Nazarbaev pen onyŋ otbasy Almaty qlasy men Almaty oblysyndaǧy jer telımderı jäne bazarlardy reiderlık jolmen iemdenuı mümkın. Ol äsırese “Altyn Orda” bazarynyŋ osy äuletpen bailanysy turaly qoǧamda taraǧan aqparattarǧa nazar audardy.
Zaiytov Bas prokuraturadan Nūrbol Nazarbaevtyŋ aktivterın tekserıp, zaŋsyz alynǧan mülıktı memleketke qaitarudy sūraǧan.
Bas prokuror Berık Asylovtyŋ mälımdeuınşe, zaŋsyz alynǧan aktivterdı qaitaru jönındegı komissiia şeşımımen 1,3 trillion teŋge kölemındegı aktivter boiynşa şaralar qabyldanǧan.
Atap aitqanda:
- 750 milliard teŋge jäne 103 milliard teŋgenıŋ mülkı erıktı türde qaitarylǧan;
- 112 milliard teŋge mäjbürlı türde öndırıp alynǧan.
«Aktivterdı qaitaru boiynşa jürgızılıp jatqan jūmystar turaly aqparat būqaralyq aqparat qūraldarynda zaŋmen qorǧalatyn qūpiialardy saqtai otyryp jariialanyp tūrady. Būl jūmys sızdıŋ saualyŋyzda atalǧan tūlǧalardy da qamtidy. Sız keltırgen mälımetter aktivterdı zaŋsyz iemdenuge jäne olardy elge qaitaruǧa qarsy ıs-qimyl barysynda eskerıledı», - dedı Berık Asylov.
Būǧan deiın Bas prokurordyŋ orynbasary Ǧalymjan Koigeldiev Mäjılıs deputaty Abzal Qūspannyŋ “Altyn Orda bazarynyŋ reiderlık jolmen basyp alynuy” turaly mälımdemesıne tüsınıkteme bergen bolatyn. Ol kezde Koigeldiev:
«Reiderlık basyp alu faktılerı rastalmady»,- degen edı.
