Astanadaǧy tūŋǧyş prezidenttıŋ atyna berılgen Nazarbaev kıtaphanasy endı ortalyq retınde jūmys ısteidı. Būl turaly Qazaqstan Respublikasy Prezidentınıŋ ıs basqarmasy mälımdedı, dep habarlaidy “Adyrna” ūlttyq portaly.
QR Prezidentı ıs basqarmasy AQŞ-tyŋ täjıribesın keltıre otyra, 1955 jylǧy Prezidenttık kıtaphanalar turaly zaŋǧa säikes amerikalyq prezidentterdıŋ mūrasyn saqtau missiiasyn jüzege asyratyn 15 mekeme jūmys ısteitının aitty. Eŋ tanymaly — Niu-Iorktegı Franklin Ruzvelt, Bostondaǧy Djon Kennedi, Kaliforniiadaǧy Ronald Reigan kıtaphanalary.Memlekettıŋ alǧaşqy tūlǧalarynyŋ tarihi mūrasyn saqtau — älemdık täjıribe. Atalǧan dästür prezident ortalyqtary men kıtaphanalardyŋ qyzmetınde körınıs tapty. Tarihi-memorialdy mekemeler AQŞ, Fransiia, Türkiia, Qytai, Malaiziia, Äzerbaijan jäne älemnıŋ basqa elderınde bar. Olar mūraǧat, kıtaphana jäne mūrajai funksiiasyn bırıktıre otyryp, ūlt köşbasşylarynyŋ qyzmetıne qatysty qūndy derekterdı, kıtap, kiım artefaktılerın saqtaidy, delıngen habarlamada.
Resmi aqparatta aitylǧandai, bolaşaqta jaŋa ortalyqqa tarihi-mädeni qūndylyǧy bar jeke qūjattar men qazırgı Prezidenttıŋ kerek-jaraqtary da berıledı. Aldaǧy uaqytta Qazaqstannyŋ kelesı prezidentterınıŋ qyzmetı turaly tiıstı materialdar jinaqtalady. Odan bölek, ortalyqta Qazaqstan köşbasşylarynyŋ qūjattarymen qatar täuelsızdık tarihyna qatysty materialdardy jinau, jüieleu jäne zerdeleu josparlanuda. Sondai-aq, Qazaqstannyŋ qazırgı saiasi tarihyna arnalǧan ırı tarihi-memorialdy, ǧylymi jäne mädeni-aǧartu ortalyǧyna ainaludy maqsat etude. Basqarmanyŋ mälımetıne süiensek, Prezident ortalyǧynyŋ kıtaphanasy da qyzyǧuşylyq tuǧyzady, onda prezidenttık institut, memlekettık qūrylystyŋ teoriiasy men praktikasy, Qazaqstan men Ortalyq Aziia elderınıŋ memlekettılık tarihy boiynşa ǧylymi jäne merzımdı basylymdar şoǧyrlanady. Älemnıŋ jetekşı kıtaphanalarynyŋ nysanaly qoryna qaşyqtan qol jetkızuge bolady. Ǧalymdar men studentter Prezident ortalyǧynan dissertasiiasy men ǧylymi zertteulerı üşın osy taqyrypta sirek kezdesetın jäne bıregei materialdardy taba alady.Jalpy älemdık dästürge süiene otyryp elımızde QR Tūŋǧyş Prezidentı kıtaphanasynyŋ bazasynda Täuelsız Qazaqstan köşbasşylarynyŋ tarihi mūrasyn saqtaumen, zerdeleumen jäne ılgerıletumen ainalysuǧa arnalǧan Prezidenttık ortalyq qūryldy. Onda Qazaqstan prezidenttıgı institutyna qatysy bar jädıgerler ortalyqtandyrylǧan türde saqtalady. Jaŋadan qūrylǧan ortalyqqa eks-prezident Nūrsūltan Nazarbaevtyŋ jeke mūraǧaty men jeke kıtaphanasynyŋ materialdary, sondai-aq būryn tūŋǧyş Prezident kıtaphanasynda saqtalǧan mūrajai eksponattarynyŋ jinaǧy berıldı. Bügıngı taŋda qorda 150 myŋnan astam mūraǧat qūjattary, 40 myŋ kıtap jäne 12 myŋ mūrajai zattary bar, — deidı basqarmadan.
Ūqsas jaŋalyqtar
