Ekonomikalyq qylmysqa jäne sybailas jemqorlyqqa qarsy küres agenttıgınıŋ būrynǧy töraǧasy Qairat Qojamjarovqa qatysty sotqa deiıngı tergeu bastaldy, dep habarlaidy "Adyrna" ūlttyq portaly.
Būl turaly Bas prokuratura habarlady.
Resmi mälımetke säikes, ol lauazymdyq ökılettıgın asyra paidalandy jäne türlı kezeŋderde qylmystyq jolmen alynǧan qarajatty zaŋdastyrdy degen küdıkke ılıngen.
«Barlyq ıster boiynşa arnaiy prokurorlardyŋ jetekşılıgımen jedel-tergeu toptary qūryldy», – delıngen Bas prokuraturanyŋ habarlamasynda.
Alaida QR Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
Būǧan deiın Bas prokuratura Qojamjarovtyŋ atyşuly «Qorǧas ısıne» qatysy baryn rastaǧan edı.
Eske salsaq, 2011 jyldyŋ soŋynda Almaty oblysyndaǧy keden beketterınde ırı kölemdegı ūrlyq derekterı anyqtalǧan. Ol jerde 100-den astam adamnan qūralǧan ūiymdasqan qylmystyq toptyŋ jūmys ıstegenı belgılı boldy.
Qairat Qojamjarov bırqatar joǧary memlekettık qyzmettı atqarǧan. Ol Ekonomikalyq jäne sybailas jemqorlyq qylmystarǧa qarsy küres agenttıgınıŋ (qarjy polisiiasy) töraǧasy, Antikorrupsiialyq qyzmettıŋ (Ūlttyq biuro) basşysy, Aqmola oblysynyŋ äkımı, Qauıpsızdık keŋesınıŋ hatşysy jäne Qazaqstan Respublikasynyŋ bas prokurory (2017-2019) boldy.
