Ekıūşty jauap. Toqaev Nazarbaevtyŋ byltyr Putinmen 2 ret kezdeskenın aitty

Qazaqstannyŋ tūŋǧyş prezidentı Nūrsūltan Nazarbaevtyŋ Mäskeuge baryp, Vladimir Putinmen kezdesu ötkızuı qoǧamda türlı pıkır tuǧyzdy. QR qazırgı Prezidentı Qasym-Jomart Toqaev “Ana tılı” gazetıne bergen sūhbatynda kezdesu turaly oiyn aitty, dep habarlaidy “Adyrna” ūlttyq portaly. Alty jyl būryn bilıkten ketken saiasatkerdıŋ özge eldıŋ prezidentımen kezdesu ötkızuın keibır sarapşylar terıs baǧalady. Sonymen qatar, būl kezdesu Qazaqstanda prezident sailauy ötedı degen boljamdardyŋ tarauyna da sebep bolǧan. Sūhbat barysynda: “Jaqynda tūŋǧyş prezidenttıŋ Mäskeuge baryp, Vladimir Putinmen kezdesuın jūrtşylyq san-saqqa jügırttı. Bi­lıkten ketkennen keiın bes jyl­dan soŋ būlai jüzdesudıŋ aqylǧa syimaityny aityldy. Qazaqstanda aldaǧy uaqytta Prezident sailauy ötedı-mıs degen boljamdar da paida boldy. Mūndai kezdesu kımge jäne ne üşın qajet, būǧan kım bastamaşy boldy? Sızdıŋ pıkırıŋızdı bılse”, - delıngen saual qoiyldy. “Nūrsūltan Nazarbaev pen Vladimir Putinnıŋ jeltoqsandaǧy kezdesuı ötken jyldaǧy ekınşı jüzdesuı ǧoi deimın. Küz basyndaǧy bırınşı kezdesu turaly būqaralyq aqparat qūraldarynda aitylǧan joq. Olar baiyrǧy dostar ärı ärıptester retınde jüzdesetın bolsa kerek, ortaq äŋgımelerı de bar şyǧar. Mūndai kezdesuler ädette Nūrsūltan Äbışūlynyŋ bastamasymen ötedı. Ol üşın mūnyŋ maŋyzy zor. Būrynǧy Qazaq KSR Ministrler Keŋesınıŋ töraǧasy, partiia basşysy jäne egemen Qazaqstannyŋ prezidentı retınde Nūrsūltan Äbışūlynyŋ Kremlmen tyǧyz moraldyq jäne saiasi bailanysy baryn esten şyǧarmaǧan jön. Onyŋ talai uaqyty Mäskeude öttı, san märte ıssaparǧa bardy, sezd jäne plenum otyrystaryna qatysty, jūmys babymen jäne resmi saparlarmen de boldy”, - dep jauap berdı Prezident Toqaev. Esterıŋızge sala keteiık, 14 jeltoqsan künı Kreml Nūrsūltan Nazarbaev pen Vladimir Putinnıŋ Reseidegı prezidenttık rezidensiiada bır kün būryn kezdesu ötkızgenın habarlady.  Odan bölek, Prezidenttıŋ osydan bır jyl būryn da, 2024 jyly 3 qaŋtarda «Egemen Qazaqstan» gazetıne bergen kölemdı sūhbaty jariialanǧan. Sonda Prezident ışkı jäne syrtqy saiasat, eldıŋ äleumettık-ekonomikalyq damuy, 2022 jylǧy Qaŋtar oqiǧasy, tūrmystyq zorlyq-zombylyq, atom elektr stansiialarynyŋ qūrylysy jäne basqa da taqyryptar turaly sūraqtarǧa jauap bergen edı.