Türkıstan qalasynyŋ äkımı Äzımbek Pazylbekūly qala aumaǧynda boi köterıp jatqan äleumettık maŋyzy bar nysandar men infraqūrylymdyq jobalardyŋ qūrylys barysymen tanysty.
Aldymen qala basşysy jaŋadan salynyp jatqan Öner ortalyǧynyŋ qūrylys alaŋyna baryp, nysandaǧy jūmystardy tekserdı. Qazırgı taŋda Öner ortalyǧynyŋ qūrylys jūmystarynyŋ 95 paiyzy aiaqtalǧan. Anyqtalǧan bırqatar kemşılıkterdı joiu jūmystary jürgızılude. Äkım nysannyŋ sapaly ärı uaqytyly aiaqtaluyn qadaǧalau qajettıgın atap ötıp, merdıger mekemelerge tapsyrmalar berdı.
Sondai-aq, qala äkımı Bekzat yqşam audany men Abylaihan köşesınde salynyp jatqan jaiau jürgınşıler köpırlerınıŋ qūrylys barysymen tanysty.
Türkıstan stansiiasynyŋ tūsynda ornalasqan ūzyndyǧy 46 metrlık jaiau jürgınşıler köpırınıŋ qūrylysy 90 paiyzǧa oryndalǧan. Al Türık auylyndaǧy ūzyndyǧy 141,7 metr bolatyn jaiau jürgınşıler köpırınıŋ jūmystary 65 paiyzǧa jetken.
Äzımbek Pazylbekūly atalǧan jobalardyŋ qala tūrǧyndary üşın äleumettık maŋyzy zor ekenın atap ötıp, sapany basty nazarda ūstai otyryp, belgılengen merzımde tolyq aiaqtaudy merdıger mekemelerge tapsyrdy.
Ūqsas jaŋalyqtar
