Aldaǧy ekı jylda Atyrau oblysynyŋ barlyq auyldyq okrugı sporttyq infraqūrylymmen qamtamasyz etıledı.
Būl turaly aimaq basşysy Serık Şäpkenov sporttyq infraqūrylymdy damytu jäne būqaralyq sportty ılgerıletu mäselelerıne arnalǧan Ükımet otyrysynda aitty.
Bügınde öŋırde 800 sport nysany jūmys ısteidı. Olardyŋ qatarynda 8 stadion, 53 sport keşenı, 702 sport alaŋy, 50 metrlık olimpiadalyq bassein, «Atyrau» sport saraiy, tennis ortalyǧy jäne mūz saraiy syndy ırı nysandar bar. Būǧan qosa, 17 jeke sport nysany halyq igılıgıne qyzmet körsetıp keledı.
Jyl aiaǧyna deiın oblystyŋ 68 auyldyq okrugınıŋ 70 paiyzy sport nysandarymen qamtylmaq. Al aldaǧy ekı jyl ışınde barlyq auyldyq okrug sporttyq infraqūrylymmen tolyqtai qamtamasyz etıledı.
Qazır oblys aumaǧynda 29 sport keşenınıŋ qūrylysy jürıp jatyr. Onyŋ 7-euı paidalanuǧa berıldı, taǧy 6-auynyŋ qūrylysy jyl aiaǧyna deiın bıtedı. Qalǧan 16 nysandy kelesı jyly tapsyru josparlanǧan. Atyrau qalasy men auyldyq audandarda demeuşılerdıŋ esebınen 4 sport nysany salynyp jatyr. Olardyŋ qatarynda mamandandyrylǧan voleibol jäne basketbol ortalyqtary, sondai-aq Mūqyr jäne Kudriaşov auyldaryndaǧy sport keşenderı bar.
Jobalardy ıske asyru nätijesınde halyqtyŋ sporttyq infraqūrylymmen qamtylu deŋgeiı 62 paiyzdan 70 paiyzǧa jetpek.
Daryndy balalardy qoldau maqsatynda Atyrau qalasynda Olimpiadalyq rezerv mektebı-internatynyŋ ǧimaratyn salu josparlanǧan. Joba memlekettık-jekemenşık ärıptestık aiasynda alty jyl merzımde jüzege asyrylady. Onyŋ ışınde 12 ai — qūrylys, al bes jyl — tehnikalyq paidalanu kezeŋı. Keşen qūramynda 13 sport zaly, bassein, oqu korpusy, jataqhana, ashana, kıtaphana jäne basqa da nysandar bolady. Mūnda 12 olimpiadalyq sport türı boiynşa 400 sportşy bılım alyp, jattyǧa alady. Qūrylystyŋ 2026 jylǧy säuırde bastalady dep kütılude.
Biznes ökılderınıŋ äleumettık jauapkerşılıgı aiasynda Texol kompaniiasy jalpy aumaǧy 19 myŋ şarşy metrdı qūraityn sporttyq-sauyqtyru keşenınıŋ qūrylysyn bastady. Mūnda 12 sport türımen ainalysuǧa mümkındık tuady.
Memleket basşysynyŋ Ūlttyq qūryltaida bergen tapsyrmalaryna säikes, Atyrau oblysynda halyqaralyq deŋgeidegı jarystar ötkızuge mümkındık beretın ırı sporttyq jobalar ıske asyrylmaq. Olardyŋ qatarynda:
• Ūlttyq at sporty keşenı (ippodrom),
• 12 myŋ oryndyq EURO-IV sanatyndaǧy futbol stadiony,
• köpbeiındı «Atyrau Arena» sport keşenı bar.
Qazırgı uaqytta osy nysandar boiynşa jobalau jūmystary aiaqtalyp, memlekettık saraptamadan ötu kezeŋı jürıp jatyr. Qūrylysty kelesı jyly bastau josparlanǧan.
Jalpy alǧanda, Atyrau oblysynda halyqtyŋ dene şynyqtyrumen jüielı türde şūǧyldanu deŋgeiı 45,1 paiyzdy qūraidy, jyl aiaǧyna deiın körsetkış 46 paiyzǧa jetedı dep kütılude.
Ūqsas jaŋalyqtar
