Mūhtar Äuezov atyndaǧy Oŋtüstık Qazaqstan zertteu universitetınde Memleket basşysy Qasym-Jomart Toqaevtyŋ 2026 jylǧy 28 qazandaǧy «Jaŋa tarihi kezeŋdegı Qazaqstannyŋ özektı mındetterı» atty Qazaqstan halqyna Joldauynda belgılengen basymdyqtardy nasihattauǧa arnalǧan jiyn öttı.
Is-şarany universitet rektorynyŋ mındetın uaqytşa atqaruşy Rysgül Qūdretullaeva aşyp, Prezident Joldauynda köterılgen mındetterdı jüzege asyruda joǧary oqu oryndaryna ülken jauapkerşılık jükteletının atap öttı. Onyŋ aituynşa, el damuynyŋ basym baǧyttaryna sai mamandar daiarlau, ǧylymdy damytu jäne zamanaui tehnologiialardy bılım beru üderısıne engızu – universitettıŋ negızgı mındetterınıŋ bırı.
Jiynda qūrylys, su resurstary, atom energetikasy jäne azamattyq jauapkerşılık baǧyttary boiynşa baiandamalar jasalyp, Prezident Joldauyndaǧy mındetterdı jüzege asyrudaǧy universitettıŋ rölı keŋınen nasihattaldy.
Alǧaşqy bolyp «Qūrylys jäne infraqūrylymdy damytu mäselelerı» taqyrybynda baiandama jasaǧan Asqar Mamyrbaev Memleket basşysy ūsynǧan «Halyqtyq qūrylys» bastamasynyŋ maŋyzyn tüsındırdı. Äleumettık infraqūrylymdy damytu üşın bılıktı säuletşıler men qala qūrylysy mamandary qajet ekenın atap öttı. Osy oraida «Säulet jäne qala qūrylysy» kafedrasynyŋ basty mındetı – sala sūranysyna sai käsıbi mamandar daiarlau ekenı aityldy.
Tehnika ǧylymdarynyŋ kandidaty, dosent Parida Sūltanbekova «Su resurstary – ūlttyq qauıpsızdık pen tūraqty damudyŋ negızı: Prezident Joldauy aiasyndaǧy mındetter» taqyrybynda baiandama oqydy. Ol su resurstaryn ünemdeu men tiımdı basqarudyŋ strategiialyq maŋyzyn tüsındırıp, universitette sensorlyq jäne sifrlyq tehnologiialardy qoldanu, su şyǧynyn baqylau jäne bılım beru üderısın jaŋǧyrtu baǧytynda atqarylyp jatqan jūmystardy tanystyrdy. Sondai-aq su şaruaşylyǧy salasyna zamanaui tehnologiialardy meŋgergen mamandar daiarlaudyŋ qajettıgın atap öttı.
«Fizika» kafedrasynyŋ dosentı, PhD, qauymdastyrylǧan professor Saparǧali Pazylbek «Qazaqstannyŋ atom energetikasy jäne iadrolyq fizika mamandaryn daiarlau» taqyrybynda baiandama jasady. Ol atom energetikasyn damytudyŋ maŋyzy men osy saladaǧy ǧylymi-tehnikalyq kadrlarǧa sūranys turaly aityp, universitette aldaǧy uaqytta «Iаdrolyq fizika» bılım beru baǧdarlamasyn aşu josparlanyp otyrǧanyn jetkızdı. Būl bastama elımızdıŋ energetikalyq qauıpsızdıgın nyǧaituǧa qajettı mamandar daiarlauǧa baǧyttalǧan.
Universitettıŋ baspasöz hatşysy Äzımhan İsabek «Örkeniettı memleket jäne “Adal azamat” tūjyrymdamasy» taqyrybynda baiandama jasap, adaldyq, jauapkerşılık, zaŋǧa qūrmet jäne azamattyq ūstanym qūndylyqtaryn nasihattady. Sondai-aq joǧary oqu ornynyŋ mındetı tek käsıbi maman daiarlau emes, el damuyna jauapkerşılıkpen qaraityn sanaly azamat tärbieleu ekenın atap öttı.
Al «Energetika jäne dästürlı emes energetikalyq jüieler» kafedrasynyŋ PhD, dosentı Nūrsūltan Faiz «Atom elektr stansiiasynda iadrolyq reaktordyŋ prototipı retınde sifrlyq egızdı endıru» taqyrybynda baiandama jasady. Ol älemdık damudyŋ jaŋa kezeŋındegı «Elektr däuırı» ūǧymyn tüsındırıp, elektr energiiasyna sūranystyŋ artuy, Qazaqstanda atom energetikasyn damytudyŋ maŋyzy men aldaǧy josparlar turaly aqparat berdı. Jastarǧa energetika salasyndaǧy jaŋa tehnologiialar men injenerlık mamandyqtardyŋ bolaşaǧyn nasihattady.
Jiyn barysynda Prezident Joldauynda belgılengen strategiialyq basymdyqtardy jüzege asyruda ǧylym men bılımnıŋ, käsıbi kadr daiarlaudyŋ jäne innovasiialyq tehnologiialardyŋ maŋyzy keŋınen tüsındırıldı. Äuezov universitetı jaŋa bılım beru baǧdarlamalaryn damytu, sūranysqa ie mamandar daiarlau jäne ǧylymi zertteulerdı jetıldıru arqyly el damuynyŋ basym baǧyttaryna üles qosudy közdeidı.
