Jiynda qalalyq polisiia basqarmasynyŋ jergılıktı polisiia bölımınıŋ bastyǧy Ahan Saparbekov atqarylǧan jūmystar men anyqtalǧan kemşılıkterdıŋ oryndal barysy tyŋdaldy. Polisiia ökılınıŋ mälımdeuınşe soŋǧy künderde 3 käsıpker men 9 azamattyŋ qūqyq būzuşylyq äreketı anyqtalyp, jalpy somasy 865 myŋ teŋge aiyppūl salynǧan. Sondai-aq, jük kölıkterı aiyptūraqqa qoiylǧan.
Äzımbek Pazylbekūly būl körsetkıştıŋ tömen ekenın, reidtık şaralardy küşeitu qajettıgın atap öttı. Sondai-aq, Polisiia basqarmasyna zaŋsyz qoqys oryndary boiynşa kündelıktı reid jürgızıp, tazalyǧyn qamtamasyz etudı tapsyrdy.
Sonymen qatar, sektor meŋgeruşılerınıŋ jūmysyn synǧa alyp, Otyrar, Bekzat, Şauǧar, Bırlık jäne Iаssy sektor basşylarynyŋ tärtıptık jauapkerşılıgın qarau mäselesın köterdı.
Qala äkımı sondai-aq, qūrylys jäne kommunaldyq şaruaşylyq bölımderıne de qoqys karerlerın toltyru jūmystary boiynşa naqty tapsyrmalar jüktedı.
Zaŋsyz qoqys oryndaryn tazartu jūmystary 10 qazanǧa deiın aiaqtaluy tiıs. Būl ıske kommunaldyq şaruaşylyq bölımı, tazalyq mekemesı men sektor basşylary tolyq jauapty bolmaq. Sonymen qatar, polisiia basqarmasy tarapynan kündelıktı reid jürgızu üşın kezekşı qyzmetkerlerı bekıtıldı.
Ūqsas jaŋalyqtar
