Aqtöbe oblysynyŋ äkımdıgı Qobda audanynda su tasqynynan zardap şekken tūrǧyndar üşın jaŋa üiler salynatyndyǧyn mälımdedı, dep jazdy "Adyrna" ūlttyq portaly.
13 nauryzdan berı Qobda auylynda 79 üi, 22 aula aumaǧy erıgen qar suynyŋ astynda qalǧan.
Aqtöbe oblysynyŋ äkımı Eraly Toǧjanov Qobda audanyna sapary barysynda tiıstı tapsyrma berdı. Aldaǧy uaqytta Qobda auylyndaǧy üilerı su astynda qalǧan tūrǧyndar üşın 24 üi salynady.
Zalaldy baǧalau jönındegı komissiianyŋ aldyn-ala mälımetterıne säikes, 3 üi qalpyna keltırılmeidı, 4 üidıŋ qabyrǧalary qūlaǧan, olar apatty dep tanyldy.
Öŋır basşylyǧy üş otbasyǧa biudjetten tys qarajat esebınen tūrǧyn üi satyp aludy josparlaǧan. Degenmen eldı-mekende bos tūrǧyn üi tabylmady. Soǧan bailanysty jaŋadan üi salu jönınde şeşım qabyldandy.
Qazırgı uaqytta eldımekende su tasqyny deŋgeiınıŋ tömendeuı baiqalady. Jasandy su jinau, qūm töseu jäne su aidau jūmystary jalǧasyp jatyr. Tabiǧi qūbylystyŋ zardaptaryn beitaraptandyru üşın 38 bırlık mamandandyrylǧan tehnika, 277 adam jūmyldyrylǧan.
"Adyrna" ūlttyq portaly
Ūqsas jaŋalyqtar
su tasqyny
infraqūrylym
tūrǧyndar
qobda
jaŋa üiler
jaŋa üiler salynady
Aqtöbe oblysynyŋ äkımı Eraly Toǧjanov
Qobda audany
