Qosşy qalasynda Qazaqstan saz aspaptary şeberlerınıŋ bırlestıgı resmi türde qūrylyp, alǧaşqy qūryltai jiyny öttı, dep habarlaidy "Adyrna" ūlttyq portaly.
Būl turaly Darhan Qydyrälı özınıŋ äleumettık jelıdegı paraqşasynda habarlady.
Onyŋ aituynşa, būǧan deiın muzykalyq aspap şeberlerınıŋ arnaiy bırlestıgı bolmaǧan.
«Otyz jyl boiy ortaq jiyn ötpegenın, al keibır şeberlerdıŋ qolönerşıler bırlestıgıne tırkelıp jürgenın estıgende taŋ qaldym. Osy ıstıŋ basy-qasynda jürgen aitysker aqyn Erkebūlan bauyrymnan bıraz jaitqa qanyq boldyq. Şeşımın kütıp tūrǧan mäseleler de az emes eken. Ol turaly deputattyq saualymyzda aittyq», — dedı ol.
Qūryltai jiynynda basqarma töraǧasy, müşelerı men aqyldastar alqasy sailandy. Elımızdıŋ tükpır-tükpırınen jinalǧan şeberler özara täjıribe almasyp, salanyŋ özektı mäselelerın talqylady. Jiynda Jolauşy Tūrdyǧūlov, Narbek Ohanov, Sūltan Mūsaev, Baqytjan Dılmanov, Babyr Arǧynov siiaqty belgılı şeberler söz söiledı. Al küişı Janǧali Jüzbai bastaǧan mädeniet maitalmandary jaŋa bırlestıktıŋ qūryluyn quana qarsy alyp, tabys tıledı.
Bügınde elımızde 300-den 500-ge deiın muzykalyq aspap şeberı bar eken. Sondyqtan jaŋa bırlestıktıŋ jūmysy tez jandanady degen ümıt bar.
Jiynǧa Bakudegı “Türkı mädenietı men mūrasy” qorynyŋ basşysy Aqtoty Raiymqūlova arnaiy qūttyqtau hat joldaǧan. Qaraşa aiynda osy baǧytta ırı konferensiia ötkızu josparlanyp otyr.
Jiynǧa arnaiy qatysqan Mäjılıs deputaty Ashat Aimaǧambetov şeberlerdı zaŋnamalyq tūrǧyda qoldau qajettıgın atap öttı. Al Maqsat Tolyqbai sala boiynşa qolǧa alynǧan naqty bastamalar turaly baiandap, jaŋa bırlestık müşelerıne sättılık tıledı.
«Bırlesıp, berekelı ıstı qolǧa alǧan şeberlerge tabys tıleimız. Būl – ūlttyq mädenietımızdı jaŋǧyrtu jolyndaǧy maŋyzdy qadam», — dedı deputat.
