«Halyqtyq qūrylystan» sifrlyq ekonomikaǧa deiın: Qūryltai deputattary Prezident Joldauynyŋ negızgı baǧyttaryn tüsındırdı

105
Adyrna.kz Telegram
https://adyrna.kz/storage/uploads/lL3Tmvxn6WRK8k0xKTx8U6sHlGSH0KdlwS6f3zW1.jpg

Qūryltaidaǧy barlyq fraksiianyŋ deputattary ekı apta boiy elımızdıŋ barlyq öŋırınde Prezident Qasym-Jomart Toqaevtyŋ «Jaŋa tarihi kezeŋdegı Qazaqstannyŋ özektı mındetterı» atty Joldauyn tüsındıruge arnalǧan 155 kezdesu ötkızdı. Būl jiyndarǧa 18 myŋǧa juyq adam qatysty.  Jüzdesu  halyqtyŋ türlı äleumettık toptary ökılderın qamtydy: önerkäsıptık käsıporyndardyŋ eŋbek ūjymdary men agrarlyq sektor ökılderınen bastap, pedagogter, medisina qyzmetkerlerı, käsıpkerler, ǧalymdar, studentter jäne qoǧam qairatkerlerıne deiın qatysty. Talqylaulardyŋ negızgı özegıne ekonomikany damytu, äleumettık jaŋǧyrtu, auqymdy qūrylys jäne elımızdıŋ tehnologiialyq jaŋaruy baǧytyndaǧy naqty mındetter arqau boldy.

​Köptegen öŋırlerde Joldaudy talqylau adamdardyŋ kündelıktı ömırıne tıkelei qatysty mäselelerden bastaldy. Äsırese, basty nazar Memleket basşysynyŋ «Halyqtyq qūrylys» bastamasyna audaryldy. Deputattar baǧdarlamanyŋ auqymyn tüsındırıp, tek jaŋa nysandar salynumen şektelmeitının, öŋırlerdıŋ qajettılıkterın eskere otyryp, infraqūrylymdy keşendı türde jaŋartudy közdeitının jetkızdı. Mektepterdı, auruhanalardy, sport jäne mädeniet nysandaryn salu men jaŋǧyrtu, joldar men kommunaldyq jelılerdı damytu halyqtyŋ ömır süru sapasyn arttyryp qana qoimai, jaŋa jūmys oryndaryn aşuǧa da mümkındık beredı. Kezdesuler barysynda memlekettık jobalardyŋ tūrǧyndardyŋ naqty sūranystaryna sai boluy jäne naqty nätije beruı qajettıgıne erekşe nazar audaryldy.

İnfraqūrylym mäselelerınen keiın äŋgıme auany ekonomikalyq jäne tehnologiialyq özgerısterge ūlasty. Käsıpkerlermen, IT-qoǧamdastyq ökılderımen jäne eŋbek ūjymdarymen ötken kezdesulerde investisiia tartu, otandyq öndırıstı qoldau, şaǧyn jäne orta biznestı damytu, eŋbek önımdılıgın arttyru men äkımşılık kedergılerdı azaitu mäselelerı qozǧaldy. Önerkäsıpkäsıporyndarynda öndırıstık quattardy jaŋǧyrtu, salalardyŋ damu perspektivalary jäne öndırısterdıŋ tūraqty jūmys ısteuıne qajettı jaǧdailarjaiy da talqylandy. Deputattar sifrlandyru men jasandy intellekt mäselelerıne de airyqşa nazar audardy. Olar derbes maqsat retınde emes, ekonomikany damytuǧa, tiımdılıktı arttyruǧa jäne azamattardyŋ mümkındıkterın keŋeituge yqpal etetın maŋyzdy resurs retınde qarastyryldy.

Kezdesulerdıŋ edäuır bölıgı adami kapitaldy damytu mäselelerıne arnaldy. Pedagogter, studentter, ǧalymdar jäne medisina qyzmetkerlerımen bılım sapasy, ǧylymdy damytu, sūranysqa ie mamandar daiarlau, eŋbek jaǧdailary men äleumettık kepıldıkter taqyryby talqylandy. Äsırese bılım beru jüiesın eŋbek naryǧynyŋ qajettılıkterımen ūştastyru, mamandardyŋ käsıbi ösuıne qoldau körsetu jäne jastardyŋ äleuetın jüzege asyruyna jaǧdai jasau qajettıgı atap ötıldı. Densaulyq saqtau salasynda medisinalyq kömektıŋ qoljetımdılıgı men sapasy, sonymen qatar, kadrlyq qamtamasyz etu jäne medisina qyzmetkerlerınıŋ käsıbi qūqyqtaryn qorǧau mäselelerı de köterıldı.

Agrarlyq sektor ökılderımen kezdesuler de özındık erekşelıkterge toly boldy. Mūnda auyl şaruaşylyǧynyŋ tūraqtylyǧy, fermerlerdı qoldau, öndırıstı jaŋartu, önım öŋdeu salasyn damytu jäne su resurstaryn ūtymdy paidalanu mäselelerı negızgı taqyrypqa ainaldy. Auyl şaruaşylyǧynyŋ tiımdılıgın arttyru, jaŋǧyrtudyŋ igılıgın şaruaşylyqtar men auyl tūrǧyndaryna naqty sezındıru joldaryn talqylady.

Energetika salasynda generasiialau quattaryn arttyru, elektr energiiasyn jinaqtau jüielerın engızu jäne tūtas ekonomikanyŋ damuyna negız bolatyn energiiamen quatty qamtamasyz etu mäselelerıne basymdyq berıldı.

Joldaudy tüsındıru jūmystary ekonomikalyq jäne äleumettık mäselelermen ǧana şektelgen joq. Jastarmen, qoǧam ökılderımen, ǧylymi orta, mädeniet jäne sport salasynyŋ ökılderımen kezdesulerde azamattyq jauapkerşılık, qoǧamdyq kelısım, ūlttyq qūndylyqtar, şyǧarmaşylyq bastamalardy qoldau jäne būqaralyq sportty damytu mäselelerı de söz boldy. Osylaişa, talqylaular naqty memlekettık jobalarmen qatar, olardy jüzegeasyruǧa qajettı qoǧamdyq baǧdarlardy da qamtydy. 

Öŋırlerge saparlardyŋ maŋyzdy bölıgı el bolaşaǧyna qatysty aşyq pıkır almasuǧa arnaldy. Kezdesuge qatysuşylar deputattar men ortalyq memlekettık organdardyŋ ökılderıne tıkelei sūraq qoiyp, özderın tolǧandyrǧan mäselelerdı köterıp, olardy şeşu jönınde ūsynystaryn bıldıruge mümkındık aldy. Ärtürlı käsıbi qauymdastyqtar men öŋır tūrǧyndarymen aşyq äŋgımeörbıdı.  

Halyqpen kezdesuler körsetkendei, Joldauda belgılengen basymdyqtar alda bolatyn özgerıster tūrǧyndarǧa tıkelei paidasy tietındıkten  azamattar arasynda keŋınen qoldau tauyp otyr. Olar – käsıporyn jūmysşylary, medisina qyzmetkerlerı, pedagogter, agrarlyq sala ökılderı men jastar. Kezdesuge qatysuşylar Joldau bastamalaryn qoldap qana qoimai, olardy jüzege asyruǧa tıkelei äser etetın praktikalyq mäselelerdı de köterdı. Mūndai  mazmūndy dialogtar jalpyūlttyq mındetterdı naqty öŋırler men käsıbi qauymdastyqtardyŋ sūranystarymen ūştastyruǧa mümkındık berdı.

Deputattardyŋ öŋırlerdegı jūmysy Prezident bastamalaryn tüsındırudı jergılıktı tūrǧyndarmen dialog jäne pıkır almasumen jalǧasyn tapty.  Mūndai özara bailanys zaŋ şyǧaru qyzmetı üşın de, josparlanǧan reformalardyŋ ıske asyryluyn baqylau üşın de maŋyzdy. Būl atap aitqanda, Joldauda belgılengen basymdyqtardyŋ azamattardyŋ naqty qajettılıkterıne jauap beretın şeşımder arqyly jüzege asuyna yqpal etetın maŋyzdy tetık.

Pıkırler