Túrkistan qalasynda Qazaqstannyń ózge de aımaqtarynan jınalǵan delegattardyń qatysýymen Iran, Aýǵansan, Túrkııa qazaqtarynyń quryltaıy ótti. Jıyn osy elderden kelgen qazaq kóshiniń 30 jyldyǵyna arnaldy. Bul týraly “Adyrna” ulttyq portaly habarlaıdy.
Quryltaıǵa júzdegen adam qatysqan. Qala ákimdiginen ókilder, aýyl aqsaqaldary, Iran, Aýǵanstan, Túrkııadan kelgen belgili qazaq aǵaıyndar jınalǵan.
Jıynǵa qatysqan Irannan kóship kelgen jýrnalıst Júsip Bókenulynyń aıtýynsha, quryltaıdyń jastarǵa berer tálimi mol.
“Quryltaıdyń negizi maqsaty - salt-dástúrimizdi dáriptep, artyq jerlerin ózgertý. Máselen, aramyzdaǵy jap-jas jigit pen qyzdar ekonomıkalyq jaǵdaı qıyn bolǵan soń úılene almaı, qyzdarymyz basqa ultqa shyǵyp, jigitterimiz basqa ulttyń qyzyn alyp otyr. Bizdiń saltymyzǵa qatysty biraz qıyndyqtar bar. Solardy ózgertýimiz kerek. Aqshany kóp talap etetin jaǵdaılar da kezdesedi. Sondyqtan qazaqy salt-dástúrdi búgingi urpaqqa durys dáripteý nıetimen osy quryltaı uıymdastyrylyp otyr.
Úsh elden kóship kelgen qazaqtarǵa Qazaqstannyń zańyna qurmet kórsetý, Qazaqstannyń jaqsy azamaty bolýǵa, Qazaqstanǵa eńbeýk sińirýge kómekteskimiz keledi. Sondaı-aq, quryltaıda olarǵa arnalǵan tıimdi baǵdarlamalar týraly da aıtyldy. Aldaǵy ýaqytta nátıjesin beredi degen senimdemiz”, - dedi Júsip Bókenuly.
