Ulytaýdaǵy quryltaı - ult bolyp uıysýdyń sátti qadamy! Kóptegen mańyzdy taqyryptar aıtyldy. QR Prezıdenti Q.Toqaevtyń baıandamasynda el kútip júrgen ózekti máseleler kóterildi.
Eldiń Egemendik deklaraııasy qabyldanǵan ulttyq merekemizdi qaıtaryp berdi. Qasıetti Táýelsizdikke ár qadam biz úshin erekshe qasterli.
QR Parlamenti Májilisi tóraǵasy Erlan Qoshanov, belgili saıasatker Álıhan Báımenov, akademık Asqar Jumádildaev, aqyn Svetqalı Nurjandar elimizdiń qoǵamdyq-saıası, mádenı-tarıhı, bilimi salasynda tereń tolǵap, utymdy usynystar bildirdi.
Quryltaıdyń el erekshe qýanǵan shyrqaýy álemge áıgili aqyn Muqtar Shahanovtyń “Qazaqstannyń Eńbek Eri” ataǵymen marapattalýy boldy!
Uly daladaǵy Ulytaýdyń tórinde uly aqynnyń keýdesine Altyn Juldyzdy QR Prezıdenti Qasym-Jomart Toqaevtyń ózi taqty!
El kútken erekshe marapat! Halyqtyń shyn yqylasy!
Biraq, bir aıtarymyz, Ulytaýda, uly hanymyz - Joshy hannyń basynda ótken Quryltaıda Joshy hannyń keler jyly, 2023 jyly taqqa otyrýynyń 800 jyldyǵyn memlekettik deńgeıde ult bolyp, ulyqtaý máselesin umytpaý kerek edi!..
Joshy han - Altyn Ordanyń atasy, búkil Qazaq handarynyń babasy ǵoı!
Biz bul usynysymyzdy budan úsh jyl buryn da, 2019 jyly Ulttyq keńestiń alǵashqy otyrysynda jasaǵan baıandamamyzda da aıtqanbyz. Odan beri Altyn Ordanyń 750 jyldyǵynda Joshy hanǵa eskertkish qoıylyp, keıin kıno túsiretin bolyp sheshilgenmen, tutas keshendi baǵdarlama qolǵa alynǵan joq áli.
Álemdegi geosaıası dúrbeleńder dúbirinde el bolyp, Uly hanymyzdy ulyqtaý - ulttyq patrıottyq jańǵyrýǵa, rýhanı jańarýǵa renessanstyq serpin beretini anyq.
Quryltaıda kóterilgen qundy máselelerdiń iske asýyn kútemiz.
Qazybek ISA
