Reseılikter til máselesin kóterip, orys tiliniń deńgeıine alańdaýly. Bul týraly reseılik saıasatker, oppozııoner Gennadıı Gýdkov Twitter paraqshasyna áıel adamnyń minberde sóz sóılep turǵan vıdeosyn jarııalady, dep habarlaıdy “Adyrna” ulttyq portaly.
Vıdeoda áıel adam halyqtyń aldynda minberde sóz sóılep, Reseı halqyn amerıkalyq mýzykalardy tyńdamaýǵa shaqyrdy.
“Máskeýde bolsyn, Mınski de bolsyn jańa jyldyq jármeńkede únemi amerıkandyq mýzyka qosylyp turady. Men áli birde-bir dúkennen orys tildi áýenniń qosylyp turǵanyn kezdestirmedim. Bul ne sumdyq? Máskeýdegi áskerı dúkende de amerıkandyq mýzyka qosylyp tur. Bul qalaı? Mine, biz jańa jyldy aǵylshyn mýzykasymen qarsy alaıyn dep turmyz.
Bárimiz dúken basshylyǵyna baryp, eskerteıik… Nege biz geosaıası qarsylasymyzdyń áýenin tyńdaýymyz kerek?! Biz Reseıde turamyz, nege oryssha sóılemeımiz? Bul bizdiń mádenı kodymyz”,- dedi vıdeodaǵy áıel.
Al vıdeonyń astyna Gennadıı Gýdkov áıeldiń aqylsyzdyǵyna tańǵalǵanyn jasyrmady.
“Bul jyndy táte kim? Men aqylsyzdyqtyń deńgeıine qyzyǵýshylyq tanyttym. Keıin Brejnevtiń emes, Stalınniń zamany qaıtyp keledi!”,- dep jazdy ol.
