10 qazan künı Varşavada ötken EQYŪ/DİAQB adam ölşemı jönındegı konferensiiasynyŋ plenarlyq otyrysynda negızgı talqylau taqyryby demokratiialyq zaŋ şyǧaru täjıribesıne arnaldy.
«Ūlttyq käsıbi äleumettık qyzmetkerler aliansy» qoǧamdyq bırlestıgınıŋ jetekşısı Dinara Esimova ÜEŪ-dyŋ zaŋ şyǧaru prosesıne qatysuynyŋ jarqyn ülgısı retınde Senat janyndaǧy Jas sarapşylar kluby men “Taldauşylar mektebı” jobalaryn atap öttı.
«Men “Taldauşylar mektebınıŋ” ekınşı legınde mentor retınde jūmys ıstedım, qazır būl mekteptıŋ bes legı bar. Ol kezde men inkliuziiasy bar adamdardy äleumettendıru jäne jūmyspen qamtu mäselelerımen ainalysatyn bölımdı basqardym. Būl bastama Qazaqstan Senatynyŋ qoldauymen jüzege asty. Būl — elımızdegı demokratiialandyrudyŋ naqty mysaly. Bız öz qajettılıkterımız turaly aşyq aituǧa mümkındık aldyq», — dedı sarapşy.
Sondai-aq, ol soŋǧy ekı jylda Parlament Mäjılısı janyndaǧy jūmys tobynyŋ müşesı retınde otbasylyq tūrmystyq zorlyq-zombylyqty tyiym salu turaly zaŋdy talqylauǧa qatysqanyn atap öttı.
«Būdan bölek, men universitette äleumettık jūmys pänınen sabaq beremın jäne osy saladaǧy jüienı jetıldıru boiynşa ūsynystar äzırledım. Bızde äleumettık qyzmetkerler qauymdastyǧy bar, jäne bız deputattarǧa naqty ūsynystarymyzben kömektesemız», — dep qosty Dinara Esimova.
