Qazaqstandyqtar naýryz aıynda jarty aı boıy demalady, dep habarlaıdy "Adyrna" ulttyq portaly.
2025 jyldyń naýryz aıynda qazaqstandyqtar eki memlekettik merekeni atap ótedi. 8 naýryz – Halyqaralyq áıelder kúni jáne 21-23 naýryz – Naýryz meıramy.
8 naýryz senbige túskendikten, demalys kúni 10 naýryz, dúısenbige aýystyrylady. Osylaısha, qazaqstandyqtar 8-10 naýryz aralyǵynda úsh kún qatarynan demalady.
Naýryz meıramy dástúrli túrde 21-23 naýryz aralyǵynda atap ótiledi. Bıyl 22-23 naýryz senbi men jeksenbige túsetindikten, qosymsha demalys kúnderi retinde 24-25 naýryz bekitildi. Nátıjesinde, qazaqstandyqtar 21-25 naýryz aralyǵynda bes kún demalady.
Osylaısha, bes kúndik jumys aptasynda eńbek etetin qazaqstandyqtar naýryz aıynda 14 kún demalady.
Aıta keteıik, 2024 jyly 1 naýryzda saǵat 00:00-den bastap eldiń búkil aýmaǵynda biryńǵaı ýaqyt beldeýi belgilengen bolatyn.
