Qazaqstanda 400 mektep dırektory aýysty

1711
Adyrna.kz Telegram
Foto: kapital.kz
Foto: kapital.kz

2022 jyldyń qyrkúıek aıynyń sońyna deıin taǵy 236 dırektor aýystyrylady. Bul týraly Oqý-aǵartý mınıstrligi málimdedi, dep habarlaıdy “Adyrna” ulttyq portaly.

«Bilim berý salasynda 10 myńnan astam memlekettik uıym bar. Kóptegen basshylarda merzimsiz eńbek sharttary bar. Osyǵan baılanysty 10-15 jáne odan da kóp jyl bir uıymda jumys isteıtinder az emes. Árıne, olardyń arasynda óz isin biletin jáne bilim berý uıymynyń damýyna eleýli úles qosyp júrgen basshylar da bar. Biraq tájirıbe kórsetkendeı, ókinishke qaraı, mysaly, 10-15 jyl nemese odan da kóp ýaqyt boıy laýazymdyq qyzmette otyrǵandar bastama kóterýdi, motıvaııany jáne damýǵa degen umtylysyn joǵaltyp, kemshilikterge úırenip ketedi jáne ony úırenshikti túrde qabyldaıdy», – dedi Qazaqstannyń Oqý-aǵartý mınıstrligi.

Buǵan qosa, vedomstvo bilim berý mekemeleriniń basshylaryn rotaııalaýdyń qaǵıdalary baryn eske aldy. Atap aıtqanda, bir bilim berý uıymynda 4 nemese 7 jyldan astam ýaqyt jumys istegen basshylar rotaııaǵa túsedi.

«Bul rette osy uıymdaǵy laýazymǵa taǵaıyndalǵan kúnnen bastap 4 jyl atqaratyn laýazymdaǵy birinshi basshy usynylǵan rotaııadan bas tarta alady jáne tıisinshe eńbek sharty sheńberinde óz jumysyn jalǵastyra alady. Alaıda, eger basshy bir uıymda 7 jyldan astam ýaqyt jumys istese, onda ol mindetti túrde rotaııalanady», – dep qosty mınıstrlik.

Mınıstrlik málimetinshe, bıyl 400-den astam mektep dırektory aýysqan, onyń ishinde eń kóbi Shymkent, Túrkistan men Qaraǵandy oblystarynda. 2022 jyldyń qyrkúıek aıynyń sońyna deıin taǵy 236 dırektor aýysady.

Pikirler