Qazaqstandyq short-trekshi Denıs Nıkıshany Rotterdamda ótip jatqan álem chempıonatynda tarıhı jetistigimen quttyqtady, dep habarlaıdy "Adyrna" tilshisi Olympic.kz-ke siltep.
Qazaqstan UOK basshysy Gennadıı Golovkın sportshyny jetistigimen quttyqtady.
“Short-trekten álem chempıonatynda elimiz úshin tarıhı medal jeńip alǵanyńyzben Sizdi jáne bapkerlerińizdi shyn júrekten quttyqtaımyn! Bul jeńis kók muzdaǵy uzaq jyldar boıǵy eńbektiń, tózim men tártiptiń jemisi. Bolashaqta budan da bıik nátıje kórsetip, qazaqstandyq jankúıerlerdi odan ári qýanta berýińizge tilektespin!”, - dedi UOK prezıdenti.
Short-trekten Qazaqstan quramasynyń úzdigi dep tanylǵan sportshy Denıs Nıkısha álemdik básekede kúmis medal jeńip aldy. Sol arqyly ol atalǵan sport túrinen eresekter arasyndaǵy álem chempıonatynda júlde alǵan alǵashqy qazaqstandyq sportshy retinde tirkeldi.
