Ózbekstan sportshylary Parıj Olımpıadasynda 8 altyn alyp, 13-shi orynǵa jaıǵasty, dep habarlaıdy "Adyrna" ulttyq portaly.
Parıj Olımpıadasynda kórshi eldiń sportshylary 8 altyn, 2 kúmis, 3 qolany enshiledi.
Erkin kúresshi Razambek Jamalov altyn ıelendi. Kelesi altyndy Ózbekstan quramasyna boksshy, álem chempıony Ábdimálik Halokov ıelendi.
Sondaı-aq, halyqaralyq jarystarda jeńiske jetip, Bahodır Jalolov eki dúrkin Olımpıada chempıony atandy.
Taekvondo WT boıynsha Ózbekstan quramasynyń ókili Svetlana Osıpova Olımpıada oıyndarynda erekshe kózge tústi. Sportshy bul sport túrinen el tarıhynda birinshi bolyp Olımpıada oıyndarynda júldeger atandy.
Osylaısha Ózbekstan quramasy tek bokstan emes, birneshe sport túrinen synǵa túsip, úzdik nátıjeni kórsetti.
Parıj Olımpıadasynda 39 altyn, 27 kúmis, 24 qolany Qytaı enshilep, kósh bastaǵan. Al 38 altyn, 42 kúmis, 42 qolaǵa qol jetkizip, ekinshi orynǵa jaıǵasqan AQSh memleketi boldy. Úshtikti Avstralııa memleketi qorytyndylady. Eldiń qorjynynda 18 altyn, 18 kúmis, 14 qola bar.
Al Qazaqstan quramasy Parıj Olımpıadasynda júldegerler kestesinde 41-shi orynǵa jaıǵasty. El sportshylary 1 altyn, 3 kúmis, 3 qolany qanjyǵalady.
