Käsıpker Älika Mūhamadievaǧa qatysty rezonansty ıs sotqa jettı. Qazybek bi audandyq soty qylmystyq ıstı öndırıske qabyldady, dep habarlaidy "Adyrna" ūlttyq portaly Orda.kz-ke sılteme jasap.
Alǧaşqy sot otyrysy 2025 jyldyŋ 14 qazanyna belgılendı.
Sot qaulysyna säikes, tyŋdaular aşyq formatta ötpek. Mūhamadieva sot zalyna konvoimen jetkızıledı. Tergeu barysynda ol qamauda bolǧan.
Käsıpkerge QR Qylmystyq kodeksınıŋ 174-babynyŋ 1-bölıgı boiynşa – «Äleumettık, ūlttyq, rulyq, näsıldık nemese dıni alauyzdyqty qozdyru» baby boiynşa aiyp taǧylǧan.
Qylmystyq ıstıŋ qozǧaluy onyŋ Threads äleumettık jelısınde qazaqtar turaly jazǧan pıkırlerımen bailanysty. Äleumettık jelı qoldanuşylary Mūhamadievany arandatuşylyq jäne qorlau sipatyndaǧy jazbalar taratty dep aiyptaǧan. Keiın ol beinejazba jariialap, köpşılık aldynda keşırım sūraǧanymen, būl ony jauapkerşılıkten bosatpaǧan.
Älika Mūhamadieva Qaraǧandy qalasynda Qytaidan tauar jetkızu jäne kiım dükenın ielengen käsıpker retınde belgılı. Eger sot onyŋ kınäsın däleldese, ol ekı jyldan jetı jylǧa deiın bas bostandyǧynan şekteluı nemese aiyryluy mümkın.
