Qaraǵandy oblysynyń soty birneshe aı boıy 13 jasar qyzdy zorlaǵan aýyl meshitiniń qyzmetkerine qatysty úkim shyǵardy, dep habarlaıdy "Adyrna" ulttyq portaly Sputnik Qazaqstan saıtyna silteme jasap.
Is Qaraǵandy oblysynyń mamandandyrylǵan aýdanaralyq sotynda qaraldy. Er adam Qylmystyq kodekstiń 120-babynyń tórtinshi bóligi "jas balany zorlaý" boıynsha sotqa tartyldy.
Balany zorlaý 2020 jyldyń 3 qańtarynda bastalǵan. Sol kúni aýyl moldasy qyzdyń otbasyna úı sharýashylyǵyna kómektesken. Bir sátte ol eresekterdiń úıde bolmaǵanyn paıdalanyp, qyzdy zorlaǵan.
Sodan keıin aýyl moldasy qyzdy taǵy úsh ret zorlaǵan: sol jyldyń aqpan, naýryz jáne maýsym aıynda. Qyz odan júkti boldy.
Sottalýshynyń kinási jábirlenýshiniń, onyń zańdy ókilderiniń, kýágerlerdiń aıǵaǵymen, saraptama nátıjesi jáne iske qatysty basqa da materıaldarmen dáleldendi. Prokýror sottan moldany 20 jylǵa bas bostandyǵynan aıyrýdy surady, qyzdyń zańdy ókilderi de sondaı jaza talap etti.
Nátıjesinde sot er adamdy 20 jylǵa bas bostandyǵynan aıyrdy. Ol jazasyn qatań rejımdegi kolonııada óteıdi. Sottalýshy ómir boıy pedagogıkalyq qyzmetpen aınalysý jáne kámeletke tolmaǵandarmen jumys isteý quqyǵynan aıyryldy.
Sot úkim shyǵarǵan kezde sottalýshynyń bala kezinen úshinshi toptaǵy múgedek ekenin, buryn sottalmaǵanyn, sondaı-aq óz kinásin ishinara moıyndaǵanyn eskerdi.
Úkim zańdy kúshine engen joq.
"Adyrna" ulttyq portaly
