Qaraǵandyda batýt aýdarylyp, bir bala qaza boldy

1554
Adyrna.kz Telegram
Zardap shekken taǵy eki bala aýrýhanaǵa jatqyzylǵan

 Qaraǵandyda qatty jelden batýt aýdarylyp, bir bala kóz jumdy, dep habarlaıdy tótenshe jaǵdaılar komıtetiniń baspasóz qyzmeti.

"25 mamyrda saǵat 17:30-da Qaraǵandydaǵy Mádenıet jáne demalys ortalyq saıabaǵynda dúńgirshek janyndaǵy batýt qatty jelden aýdarylyp ketti. Saldarynan 2007 jyly týǵan bala qaza boldy", - delingen habarlamada.

Tótenshe jaǵdaılar komıtetiniń málimetine súıensek, 2004 jáne 2012 jyly týǵan balalar ártúrli synyq alyp, aýrýhanaǵa jatqyzyldy.

"Úrlemeli attrakıondardy kósheler men saıabaqtarǵa ornatýǵa ákimdik ruqsat beredi. Al saýda jáne oıyn-saýyq ortalyqtarynyń alańdarynda batýttar eki qojaıynnyń arasyndaǵy kelisimshartqa baılanysty qurylady", - dep atap ótti vedomstvo.

Qutqarýshylar ata-analarǵa qatty jel soqqan kezde balalardy kóshedegi batýttarǵa oınatpaýdy eskertedi.

 Sputnik.

Pikirler