Äleumettık jelıde «Ükımet Qaraǧandy şahtasyn Lakşmi Mittaldan alyp, Reseilık kompaniiaǧa beruı mümkın» dep jazylyp jatyr. Būl söz qanşalyqty şyndyqqa janasady? Osy jäne özge de sūraqqa Önerkäsıp jäne qūrylys ministrı Qanat Şarlapaev jauap berdı, dep habarlaidy «Adyrna» ūlttyq portaly.
Ministrdıŋ aituynşa, bırınşıden, kompaniiany memlekettık menşıkke ötkızu jūmystary aiaqtaluy kerek. Sondai-aq ol eşqandai investorlardy qaramaitynyn, şahtany tek otandyq investorlar alatynyn eskerttı. Jurnalist «Aldaǧy uaqytta şahtada apat bolyp, taǧy qaraly kün jariialap jürmeimız be? Būdan bylai apat bolmaidy dep kepıldık bere alasyzdar ma?» dep sūraq qoidy.«Sızder jaqsy bılesızder, ol qauıptı käsıporyn. Qazırgı taŋda eşqandai kepıldık bere almaimyz. Bıraq bır kepıldık beruge mümkındık bolady, kelgen investorǧa qauıpsızdık üşın qanşa qarjy jūmsaityny boiynşa kelısım-şart bolady. Mysaly, qauıpsızdıktı barynşa saqtau üşın qandai qūrylǧy alatynyn anyqtaimyz. Mūndai kürdelı ärı qauıptı önerkäsıpte 100 paiyz qauıpsızdık erejelerı saqtalady dep kepıldık beru qiyn. Bıraq mūndai şahtada qauıp-qaterdıŋ azaituǧa mümkındık bar. Osy talapty kez kelgen jaŋa investordyŋ aldyna qoiatyn bolamyz», – dedı ministr.
«Adyrna» ūlttyq portaly
Ūqsas jaŋalyqtar
