Türkıstan qalasynyŋ jol-kölık infraqūrylymyn jaqsartu maqsatynda jüielı jūmystar jalǧasuda. Qazırgı taŋda qala aumaǧynda 845 şaqyrym jol men 875 köşe bar. 2024 jyldyŋ qorytyndysy boiynşa joldardyŋ 50,3 paiyzy jaqsy jäne qanaǧattanarlyq jaǧdaida.
Būl turaly qala äkımı Äzımbek Pazylbekūlynyŋ aralau barysynda Jolauşylar kölıgı jäne avtokölık joldary bölımınıŋ basşysy Arman Ospan baiandady.
Biyl qosymşa 138,5 şaqyrym joldy jöndeu josparlanyp otyr. Būl jūmystar tolyq oryndalǧan jaǧdaida, jaqsy jaǧdaidaǧy joldardyŋ ülesı 66,7 paiyzǧa jetedı dep kütılude.
Qaladaǧy negızgı köşe jelılerınıŋ bırı – Täuke han daŋǧyly. Onyŋ jalpy ūzyndyǧy 5,16 şaqyrymdy qūraidy. Qazırgı taŋda daŋǧylda jol jöndeu jūmystary qarqyndy jürgızılude. Bügıngı künı 2,3 şaqyrym bölıgıne jaŋa asfalt jabyndysy töselıp, jöndeu tolyq aiaqtaldy. Joldyŋ eskı qabaty arnaiy tehnikamen qyrylyp, ornyna ırı jäne ūsaq tüiırşıktı jaŋa asfalt salynuda.
Sonymen qatar, jol qauıpsızdıgın arttyru maqsatynda daŋǧyl boiyndaǧy jol belgılerı jaŋartylyp, qiylystar men kırme joldarǧa da jöndeu jūmystary jürgızılude.
Barlyq qūrylys jäne jöndeu jūmystary 45 kün ışınde tolyq aiaqtalady dep josparlanyp otyr.
Ūqsas jaŋalyqtar
