Türkıstan qalasynda aldaǧy jylytu mausymyna daiyndyq josparǧa sai jürgızılude. Qalanyŋ barlyq jylu qazandyqtary men jelılerı tekserılıp, jöndeuden ötıp jatyr. Qazırgı taŋda 18 jylu qazandyǧy men 55 şaqyrymnan astam jylu jelılerı qysymdau, şaiu jūmystarynan öttı jäne qajettı otynmen qamtyluda. Sonymen qatar jaŋa tehnologiialardy paidalanu arqyly osy salany damytu maŋyzdy. Jylu jelılerınıŋ tozu deŋgeiı joǧary infraqūrylymdy jaŋartu jäne kommunaldyq şaruaşylyqty jaŋǧyrtuǧa belgılengen erejeler şegınde
investisiialardy tartu mäselelerı qarastyryluda.
Türkıstan oblysynyŋ äkımı Nūralhan Köşerov oblys ortalyǧynyŋ jylytu mausymyna daiyndyq barysyn pysyqtady. Äkım jauapty basşylarǧa barlyq jūmystardy belgılengen merzımde tolyq aiaqtaudy tapsyrdy.
– Aldaǧy jylytu mausymyna daiyndyq – būl eŋ aldymen tūrǧyndardyŋ qauıpsızdıgı men jaily ömır süruınıŋ kepılı. Bız ärbır äleumettık nysan men köpqabatty üidıŋ jyluǧa uaqytyly qosyluyn qamtamasyz etuımız kerek. Jūmystar bekıtılgen josparǧa säikes jürgızıluı tiıs, – dedı Türkıstan oblysynyŋ äkımı Nūralhan Köşerov.
Qalada 219 köpqabatty tūrǧyn üi, 65 äleumettık nysan, 60 käsıpkerlık obektısı men 33 jeke tūrǧyn üi jylu jüiesıne qosyluǧa daiyn. Oblys ortalyǧyndaǧy 18 negızgı qazandyq tabiǧi gazben jūmys ısteidı. Energetikalyq qauıpsızdıktı qamtamasyz etu üşın qajettı quat pen otyn kölemı eseptelıp, jetkızu jūmystary jürgızılude.
Qazırgı taŋda qalada jylytu mausymyn 20 qazanǧa deiın tolyq bastau josparlanyp otyr. İnfraqūrylym men otyn jetkızu boiynşa mäseleler äkımdık baqylauynda. Türkıstan qalasynda qysqy qauıpsızdık pen tūraqty jylu beru tolyq qamtamasyz etıledı.
Ūqsas jaŋalyqtar
