“Qazaqmys” kompanııasynyń ereýilge shyqqan kenshileri jumysyn jalǵastyrady, dep habarlaıdy “Adyrna” tilshisi kompanııanyń baspasóz qyzmetine silteme jasap.
2023 jyldyń 14 tamyzynda túngi aýysymǵa túsken Sátbaev óndiristik ýchaskesiniń №65 shahtasynda birneshe kenshiler men merdiger uıymdardyń jumysshylary jumysty toqtatatyny týraly habarlap, ereýilge shyqqan bolatyn. Artynsha Ulytaý óńirinde ereýilge shyqqan júzden astam kenshi 15 talap qoıǵan.
Olar eńbek jaǵdaıyn jaqsartýdy, jumysshylardyń eńbek ótilin esepke alýdy, eski taý-ken jabdyqtaryn kondııoneri bar jańa qondyrǵylarǵa aýystyrýdy suraıdy. Múgedektik paıyzyn 29-dan 50 paıyzǵa deıin arttyrý, jaqynda qaıtys bolǵan jumysshy E. Erbosynovtyń ulyn jumysqa alý men qolda bar barlyq aqshalaı syıaqylardy berýdi talap etken.
Sonymen qatar, narazylyq bildirýshiler erikti medıınalyq saqtandyrý sharttaryn qaıta qaraýdy taǵy birneshe máselelerdi qarastyrýdy surady.
Ereýilshilerge «Qazaqmys» kompanııasynyń basshylyǵy, prokýratýra qyzmetkerleri, jergilikti atqarýshy bılik ókilderi attandy Kompanııa basshylyǵy týyndaǵan máselelerdi sheshý úshin kenshilerdiń bastamashyl tobymen kelissózder júrgizip, bir mámilege kelgen.
Kenshilerdiń keıbir suraqtary shahtada kelisilip, qanaǵattandyryldy. Kóterilgen máselelerdiń ekinshi bóliginiń oryndalýy zańnamalyq ózgeristerge qatysty bolǵan. Sol sebepti olardy sheshý úshin qosymsha ýaqyt qajet. Olardy qyzmetkerler men jumys berýshi ókilderinen turatyn arnaıy qurylǵan bastamashy top pysyqtaıtyn bolady.
Kelissózder nátıjesinde kásiporyndarda jumys jalǵasýda. Sondaı-aq ereýilge shyqqan kenshilerdiń tártiptik jaýapkershilikke tartylmaıtyny aıtyldy.
