Qarjy ministrınıŋ orynbasary Erjan Bırjanov azamattar arasyndaǧy qarapaiym aqşa audarymdary käsıpkerlık qyzmet retınde qarastyrylmaitynyn jäne salyqtyq baqylauǧa jatpaitynyn aitty, dep habarlaidy "Adyrna" ūlttyq portaly.
Onyŋ aituynşa, kofe, tüskı as üşın tölem, tuystarǧa kömektesu nemese qaiyrymdylyq maqsatyndaǧy audarymdar syndy kündelıktı qarjylyq operasiialar baqylau tetıkterıne ılınbeidı.
Vise-ministrdıŋ sözınşe, baqylau jüiesı zaŋnamada naqty bekıtılgen, al Ūlttyq bank tiıstı erejelerdı bekıtken. Bankterden alynatyn mälımetter tek täuekel belgılerıne säikes keletın operasiialar boiynşa salyq organdaryna berıledı.
«Bız bankterden bırınşı toqsan boiynşa derekterdı alamyz. Iаǧni “qyzyl jalauşa” belgılerıne ılıngen operasiialar ǧana salyq organdaryna joldanady», — dedı Erjan Bırjanov.
Onyŋ aituynşa, būl mälımetter kameraldyq baqylau aiasynda qarastyrylady. Qajet bolǧan jaǧdaida azamattarǧa tüsınıkteme beru nemese salyq eseptılıgın ūsynu turaly habarlama jıberıledı.
Ministrlık ökılınıŋ aituynşa, jaŋa jüie boiynşa qarapaiym tūrmystyq audarymdar — tuǧan kün, otbasylyq ıs-şaralar nemese ūjymdyq jinaqtar — käsıpkerlık qyzmet retınde tanylmaidy.
Sonymen qatar, 2026 jyldyŋ 1 qaŋtarynan bastap mobildı audarymdardy baqylauǧa qatysty jaŋa kriteriiler engızıledı. Eger bır tūlǧaǧa üş ai qatarynan 100 jäne odan da köp ärtürlı adamnan aqşa tüsse jäne jalpy soma 12 eŋ tömengı jalaqydan (1 020 000 teŋge) assa, salyq organdary qosymşa tekseru jürgızuı mümkın.
