Atyraudaǧy №90 sailau uchaskesınde dauys beru prosesı jalǧasuda. Uchaskelık sailau komissiiasynyŋ töraǧasy Gülmarjan Bisembaevanyŋ aituynşa, mūnda barlyǧy 2300 sailauşy tırkelgen.
Olardyŋ arasynda biyl alǧaş ret dauys berıp otyrǧan 18 jasqa tolǧan 18 azamat bar. Al eŋ ülken sailauşy – 81 jastaǧy er adam. Sonymen qatar 5 azamat üiden dauys beredı.
Saǧat 13:00-degı mälımet boiynşa, №90 uchaskege 800-ge juyq adam kelıp, öz taŋdauyn jasaǧan. Komissiia töraǧasynyŋ aituynşa, uchaskedegı ahual tūraqty, dauys beru prosesı qalypty ötıp jatyr.
Sailauǧa belsendı qatysuşylardyŋ qatarynda Atyrau oblysynyŋ Isker äielder qauymdastyǧynyŋ ökılderı de bar. №90 uchaskege 30-dan astam käsıpker äiel kelıp, öz taŋdaularyn jasady. Qazırgı taŋda qauymdastyq qūramynda 70-ten astam käsıpker äiel bar.
«Bügın Atyrau oblysynyŋ ısker äielderı retınde elımız üşın maŋyzdy tarihi künge qatysyp otyrmyz. Bızdıŋ maqsatymyz – elımızdıŋ bügını men bolaşaǧy üşın öz taŋdauymyzdy jasau. Sondyqtan är azamattyŋ dauys berıp, öz azamattyq ūstanymyn bıldıruı maŋyzdy», – dedı Atyrau oblysynyŋ Isker äielder qauymdastyǧynyŋ töraiymy Ardaq Jauyrova.
Käsıpker äielder sailau uchaskesıne erekşe obrazdarymen kelıp, dauys beru räsımıne belsendı qatysty. Olar būl künnıŋ maŋyzdylyǧyn atap ötıp, azamattyq jauapkerşılıktıŋ är adam üşın maŋyzdy ekenın jetkızdı.
