Qazaqstan Prezidentı Qasym-Jomart Toqaev Ukraina basşysy Vladimir Zelenskiidıŋ Resei prezidentı Vladimir Putinmen Qazaqstanda kezdesu ötkızu turaly ūsynysyna jauap berdı, dep habarlaidy "Adyrna" ūlttyq portaly.
Memleket basşysynyŋ aituynşa, Qazaqstan äskeri qaqtyǧysta deldal boludy maqsat etpeidı.
«Qazaqstan Resei men Ukraina arasyndaǧy soǧysta araaǧaiyn emes jäne özın solai körmeidı. Ekı tarap ta dauly mäselelerdı ekıjaqty negızde talqylai alady. Bız tek alaŋ ūsyna alamyz. Eger Resei men Ukraina basşylary Qazaqstanǧa keluge niet bıldırse, kelıssözderdı ötkızu üşın barlyq qajettı jaǧdai jasaimyz», – dedı Toqaev.
Prezident qaqtyǧystyŋ tym kürdelı ekenın, tek aumaqtyq mäsele ǧana emes, tarihi, ūlttyq, tıldık jäne saiasi faktorlar da şielenıstı uşyqtyryp otyrǧanyn atap öttı.
Sonymen qatar Toqaev soǧys jalǧasyp jatqanda joǧary deŋgeidegı kezdesulerden naqty nätije kütu qiyn ekenın, aldymen diplomattar men sarapşylar deŋgeiınde daiyndyq qajet ekenın aitty.
Būǧan deiın Zelenskii kelıssözderge Türkiia, Saud Arabiiasy, Qatar, Avstriia jäne Şveisariiany ūsynǧanyn aityp, qajet bolsa Qazaqstan da osyndai oryn bola alatynyn jetkızgen. Al Resei prezidentınıŋ baspasöz hatşysy Dmitrii Peskov kelıssözder alaŋy ekınşı kezektegı mäsele ekenın, qazırgı taŋda eşqandai jūmys toptary qūrylmaǧanyn mälımdegen.
