Qazaqstanda Äskeri medisina akademiiasy aşylatyny aityldy, dep habarlaidy "Adyrna" ūlttyq portaly Qorǧanys ministrlıgınıŋ baspasöz qyzmetıne sıltep.
«Qorǧanys ministrlıgı Äskeri medisina akademiiasyn aşudy josparlap otyr. Osy maqsatta Qazaqstan Respublikasy Qaruly Küşterınıŋ Bas äskeri-medisinalyq basqarmasy mamandandyrylǧan joǧary oqu ornyn qūru jobasyn daiyndady», - delıngen habarlamada.
Qazırgı uaqytta joǧary medisinalyq bılım beru jäne äskeri internatura baǧdarlamalary boiynşa äskeri därıgerlerdı Aqtöbe qalasyndaǧy Äue qorǧanysy küşterınıŋ äskeri instituty bazasynda Marat Ospanov atyndaǧy Batys Qazaqstan medisina universitetımen bırlesıp daiyndaidy. Al joǧary oqu ornynan keiıngı medisinalyq bılım beru baǧdarlamasy boiynşa äskeri-medisinalyq kadrlardy daiyndau «Astana» medisinalyq universitetımen akademiialyq ūtqyrlyq şeŋberınde QR Ūlttyq qorǧanys universitetınıŋ äskeri medisina kafedrasynyŋ bazasynda jüzege asyrylady.
Halyqaralyq yntymaqtastyq jelısı boiynşa Reseide, Özbekstanda, Armeniiada, Qytaida jäne Türkiiada joǧary jäne joǧary oqu ornynan keiıngı medisinalyq bılım beru baǧdarlamalary boiynşa mamandar daiarlanady. Şetelde äskeri medisinalyq bılım alu tıldık kedergılerdıŋ, ūlttyq jäne mädeni aiyrmaşylyqtardyŋ boluymen, sondai-aq diplomdy tanu räsımderınıŋ erekşelıkterımen bailanysty ekenın atap ötken jön.
Jobany ıske asyru qolda bar mekemelerdı qaita ūiymdastyrudy, ūiymdastyru şaralaryn jürgızudı, qajettı infraqūrylymdy, akademiianyŋ oqu-materialdyq bazasyn qūrudy, bılım beru baǧdarlamalaryn äzırleudı jäne lisenziia aludy talap etedı.
Jaŋa bılım beru mekemesı Almaty qalasyndaǧy Qorǧanys ministrlıgınıŋ Äskeri medisina ortalyǧy bazasynda qūrylmaq.
Is-şaralar qorǧanys vedomstvosynyŋ müddelı qūrylymdyq bölımşelerımen, Densaulyq saqtau, Ǧylym jäne joǧary bılım ministrlıkterımen, «Qazaqstan-Resei medisinalyq universitetı» memlekettık emes bılım beru mekemesı jäne «Äskeri medisina ardagerlerı» qoǧamdyq bırlestıgımen bırlesıp ötkızıledı.
Ūqsas jaŋalyqtar
