Batys Qazaqstan oblysynda Jūmysşy mamandyqtar jylyna orai dästürlı «Eŋbek joly» oblystyq konkursynyŋ jeŋımpazdary anyqtalyp, saltanatty türde marapattaldy.
Jalpyǧa Ortaq Eŋbek Qoǧamy ideiasyn ılgerıletu maqsatynda QR Eŋbek jäne halyqty äleumettık qorǧau ministrlıgı bastamasymen eŋbek äuletterı men öndırıs jūmyskerlerı arasynda ötkızılıp kele jatqan būl konkurs eŋbek adamynyŋ märtebesın arttyruǧa baǧyttalǧan.
Biylǧy «Eŋbek Joly» konkursynyŋ oblystyq kezeŋıne barlyǧy 38 ümıtker qatysyp, öz eŋbegımen öŋır damuyna Onyŋ ışınde: «Üzdık eŋbek äuletı» nominasiiasyna – 7 ümıtker, «Jūmys ısteitın jastardyŋ üzdık tälımgerı» nominasiiasyna – 14 ümıtker, «Öndırıstıŋ üzdık jas mamany» nominasiiasyna – 17 ümıtker baq synady.
Saltanatty jiynda oblys äkımı Nariman Töreǧaliev qatysuşylardy qūttyqtap, eŋbektıŋ qoǧamdaǧy orny men maŋyzyna toqtaldy.
– Memleket basşysynyŋ bastamasymen aǧymdaǧy 2025 jyl – Jūmysşy mamandyqtar jyly bolyp jariialanuy – maŋdai terımen el damuyna üles qosyp jürgen eŋbek adamyn ardaqtauǧa baǧyttalǧan tarihi qadam, – dedı aimaq basşysy.
Konkurs jeŋımpazdary men jüldegerlerıne arnaiy diplomdar men syilyqtar tabys etıldı. Endı olar «Eŋbek joly» respublikalyq baiqauyna oblys atynan qatysyp, Batys Qazaqstannyŋ eŋbek adamyn barşaǧa tanytpaq.
