Ereimentauda ötken turnirde 2010 jyly tuǧan jas baluan esınen tanyp qaldy, dep habarlaidy "Adyrna" ūlttyq portaly.
Äleumettık jelılerde taraǧan video qoǧamda alaŋdauşylyq tudyryp, kei pıkırlerde onyŋ köz jūmǧany aityldy.
Alaida resmi derekke säikes, sportşy tırı jäne qazır Astanadaǧy №2 köpsalaly qalalyq balalar auruhanasynyŋ jansaqtau bölımınde em qabyldap jatyr.
Aqmola oblysynyŋ sport basqarmasynyŋ mälımetınşe, Aqtöbe oblysynyŋ tumasy sanalatyn sportşy 50 kelıge deiıngı salmaq därejesınde öner körsetken. I sporttyq razriad iegerı ärı täjıribelı baluan ädıs oryndau kezınde moiyn omyrtqasynan jaraqat alyp, esınen tanyp qalǧan. Oqiǧa ornynda därıger jedel türde jürek-ökpe reanimasiiasyn jasap, keiın ol Ereimentau audandyq auruhanasyna jetkızıldı. Jürek qyzmetı qalpyna keltırılgen soŋ sportşy jasandy tynys alu apparatyna qosyldy.
Oqiǧaǧa bailanysty jarys toqtatylyp, baluan sanitarlyq aviasiia kömegımen Astanaǧa jetkızıldı. Qazırgı taŋda oǧan joǧary mamandandyrylǧan medisinalyq kömek körsetılude.
Qazaq kuresi qauymdastyǧy turnirdıŋ resmi jarystar tızımıne engızılgenın jäne barlyq qauıpsızdık talaptarynyŋ saqtalǧanyn habarlady. Assosiasiia jas sportşynyŋ jaǧdaiyn tūraqty baqylauda ūstap otyr.
