2024 jylǧy Parij Olimpiadasynda grek-rim küresınen finaldyq kezeŋge joldama alǧan qazaq baluany Demeu Jadyraevtyŋ anasy Külipa Bijanova ūlymen bailanysqanyn, onyŋ halqyna alǧys aitqanyn mälımdedı, dep habarlaidy “Adyrna” ūlttyq portaly Kazinform saityna sıltep.
“Ūlym 3 synyp oqyp jürgen kezınde küreske bardy. Sportqa özı talpynyp, özı qatysty. Ol kezde būlai Olimpiadaǧa barady dep oilamadym. Balamnyŋ talaby men jıgerı myqty boldy. Aldymen auylda şynyqty. 6 synyptan keiın Taldyqorǧandaǧy Sportta daryndy balalarǧa arnalǧan mektep-internatynda oqydy. 11 synypty sol jerde bıtırıp, aldymen QazŪU-ǧa, odan keiın Sport jäne turizm akademiiasyna oquǧa tüstı”, — dedı sportşynyŋ anasy.
Sondai-aq Demeu Jadyraevtyŋ anasy keşegı ötken beldesuden keiın balasymen söileskenın aityp, onyŋ otandastaryna degen aq tılegın jetkızdı.
“Parij aldynda oqu-jattyǧuyna baryp kelgennen keiın balamdy auyldan aq jol tılep şyǧaryp saldym. Jerlesımız Nūrbaqyt Teŋızbaevtıŋ jolyn bersın degen tılegımdı aittym. Sol aǧalaryna qarap, Olimpiadada jeŋıske jetudı bala kezden armandady. Talai qiynşylyqty basynan ötkerdı. Endı balamdy tıl-közden saqtasyn, būiyrsa elge altynmen oralsyn. Keşe Parijden habarlasyp, söilestık. «Endı beldesetın bır adam qaldy. Qoldap jatqan halqyma alǧys aitamyn» degen”, — dedı Külipa Bijanova.
Aita keteiık, keşe 6 tamyz künı Demeu Jadyraev jartylai finalda Äzerbaijan ökılı Sanan Sulaimanovty jeŋıp, finalǧa şyqty. Otandasymyz bügın japondyq Nao Kusakamen altyndy sarapqa salady.Ūqsas jaŋalyqtar
