Aqmola oblysynda bank qyzmetkerlerı qatysqan ūiymdasqan qylmystyq toptyŋ ısı boiynşa tergeu aiaqtaldy, dep habarlaidy "Adyrna" ūlttyq portaly.
Prokuraturanyŋ mälımetınşe, top qūramynda ärtürlı öŋırden jinalǧan 25 adam bolǧan, olardyŋ arasynda «Kaspi Bank», «Forte Bank», «Euraziialyq Bank» jäne «Jusan Bank» qyzmetkerlerı de bar.
Qylmystyq top äleumettık osal toptaǧy azamattardyŋ atyna ırı kölemde nesie räsımdep otyrǧan. Tergeu barysynda 348 adamnyŋ jäbırlenuşı bolǧany anyqtaldy. Keltırılgen şyǧyn kölemı 3,7 mlrd teŋgenı qūrady.
Sonymen qatar, qylmystyq jolmen alynǧan mülıkter tärkılendı. Almaty qalasyndaǧy päterler men jer uchaskelerı, qymbat kölıkter men ırı kölemdegı qolma-qol aqşa. Tärkılengen mülıktıŋ jalpy qūny 2,7 mlrd teŋgege jetken.
Barlyq küdıktıler ūstalyp, uaqytşa ūstau izoliatoryna qamaldy. Tergeu mälımetınşe, būl qylmystyq shema bes jyldan astam uaqyt boiy jüzege asyp kelgen.
Būl ıstıŋ aşyluyna Zerendı audany tūrǧyndarynyŋ şaǧymy sebep bolǧan. Äsırese zeinetkerler men az qamtylǧan azamattar öz attaryna räsımdelgen, bıraq eşqaşan almaǧan nesielerge qatysty aryz tüsırgen. Osydan keiın 2024 jyldyŋ qaraşasynda qylmystyq ıs qozǧalyp, tekseru bastalǧan.
