Astanada birneshe ret alaıaqtyq jasady dep aıyptalǵan azamatqa qatysty qylmystyq is qaralyp, sot úkimi shyqty, dep habarlaıdy "Adyrna" ulttyq portaly Tengrinews.kz-ke siltep.
Sot materıaldaryna sáıkes, A. esimdi azamat áleýmettik jelilerde Dýbaı shokolady satamyn dep, jábirlenýshilerdi aldap, olardyń aqshalaryn ıemdengen. Nátıjesinde, ol 10 adamnan jalpy somasy 301 020 teńge qarajat jymqyrǵan.
Sot barysynda aıyptalýshynyń kinási jábirlenýshilerdiń aıǵaqtary, bank aýdarymdary jáne is materıaldarymen tolyq dáleldendi. Prokýror sottan A.-ǵa 3 jyl 6 aı bas bostandyǵyn shekteý jazasyn taǵaıyndaýdy surady.
Sot úkimimen A. Qylmystyq kodekstiń 190-babynyń 3-bóliginiń 4-tarmaǵy boıynsha kináli dep tanylyp, 3 jylǵa bas bostandyǵy shekteldi.
Aıta keteıik, Dýbaı shokolady biraz ýaqyt buryn áleýmettik jelilerde trendke aınalyp, suranys pen baǵasy kúrt ósken edi. Bul jaǵdaıdy alaıaqtar óz paıdasyna paıdalanǵan.
Úkim zańdy kúshine engen joq.
