29 qyrküiekte Astanada bolǧan jol-kölık oqiǧasyna qatysty tergeu bastaldy dep habarlaidy «Adyrna» ūlttyq portaly Astana Polisiia departamentıne sıltep.
Polisiia mälımetıne qaraǧanda, 29 qyrküiek künı saǧat 08:31-de Mercedes-Benz kölıgı Baitūrsynov köşesınen Jürgenov köşesıne ketıp bara jatyp, basqa jolaqqa tüser kezde sol baǧytta jürıp bara jatqan Mazda kölıgıne "apattyq jaǧdaituyndatqan". Saldarynan "kölıktı tızgındei almai qalǧan Mazda jürgızuşısı aialdamaǧa soqtyǧysqan".
Aita ketu kerek, polisiia departamentı (PD) oqiǧa turaly alǧaşqy habarynan bastap, jürgızuşınıŋ "kölıktı tızgındei almaǧanyna" senımdı bolǧan siyqty. Alaida oqiǧadan taraǧan videoda Mazda jürgızuşısı özınıŋ aldynda oŋǧa būrylmaq bolǧan Mercedes-Benz kölıgın jol erejesıne sai ötkızıp jıbermei, oŋ jaqtan basyp ozuǧa ärekettengenı baiqalady. Osy aqparatta polisiia qoǧam üşın Mazda jürgızuşısın jaqtaǧandai äserde qaldyrǧan. Äleumettık jelıde osy oqiǧa qyzu talqy tudyrǧan.
Astana PD baspasöz mälımetınşe, oqiǧa boiynşa QR QK-nıŋ 345-baby 2-bölıgımen sotqa deiıngı tergeu bastalyp, bırqatar saraptama taǧaiyndaldy.
Küdıktı QR QPK-nıŋ 128-babyna säikes uaqytşa ūstau abaqtysyna qamaldy, anyqtau jūmystary jürgızılıp jatyr.
«Adyrna» ūlttyq portaly
Ūqsas jaŋalyqtar
