Şäken Aimanov atyndaǧy “Qazaqfilm” ūlttyq kinostudiiasynyŋ qaramaǧynda bolǧan “Köşpendıler qalasy” dekorasiialyq keşenı resmi türde syiǧa beru şarty negızınde Qonaev qalasynyŋ menşıgıne tapsyryldy. Būl turaly qala äkımdıgı aitty, dep habarlaidy «Adyrna» tılşısı.
«Köşpendıler qalasynyŋ» aumaǧy 5,8 gektar, ol Ile özenınıŋ sol jaǧalauynda ornalasqan. Nysannyŋ balanstyq qūny – 15,4 million teŋge. Alaida paidalanu jyldary ışınde qalaşyq aitarlyqtai eskırıp, keibır qūrylys jaramsyz küige tüsken, bastapqy kelbetınıŋ bırqatar elementterı joǧalǧan»,—delıngen habarlamada.
Qalalyq memlekettık aktivter jäne satyp alu bölımınıŋ mälımetınşe, endı qalaşyq TÜKŞ bölımıne qarasty bolady. Aldaǧy uaqytta būl aumaqty turizm baǧytynda damytu közdelıp otyr. Sondai-aq ony kütıp ūstauǧa, jöndeu jasauǧa biudjetten qarjy qarastyrylady.
«Qalaşyqqa aparatyn küre jol salynyp jatyr. Joldyŋ ūzyndyǧy – 7 şaqyrymǧa juyq. Joba boiynşa qosymşa elektr jelılerın tartu, avtotūraq salu, jol boiyn jaryqtandyru qarastyrylǧan. Qūrylysqa 41 adam jäne 24 tehnika tartyldy»,—dep tolyqtyrdy äkımdık.
