Tımýr Qulybaevtyń ákesi Asqar Qulybaev munaı termınalyn memleket menshigine qaıtardy. Onyń quny - 66 mln dollar, dep habarlaıdy "Adyrna" ulttyq portaly.
Bul týraly Bas prokýratýra málimdedi.
Memleket menshigine qaıtarylǵan termınal Aqtaý halyqaralyq teńiz saýda portynyń akvatorııasynda ornalasqan. Onyń jalpy aýmaǵy 134 gektardy quraıdy. Termınal eks-prezıdenttiń qudasyna 2011 jyly ótken bolatyn.
«2024 jyldyń 26 aqpanynda Mańǵystaý oblysy Mamandandyrylǵan aýdanaralyq ekonomıkalyq sotynyń sheshimimen Almaty qalasy prokýrorynyń talap-aryzy qanaǵattandyryldy, munaı termınaly memleket menshigine qaıtaryldy, sot aktisi zańdy kúshine endi», – delingen Prokýratýra habarlamasynda.
Aıta keteıik, Tımýr men Dınara Qulybaevtar álemdegi dáýlettiler tiziminde 612-orynda turǵany anyqtalǵan.
