Qasym-Jomart Toqaev Qytaidyŋ Tianszin qalasynda ötıp jatqan Şanhai yntymaqtastyq ūiymy sammitı aiasyndaǧy saltanatty qabyldauǧa qatysty, dep habarlaidy "Adyrna" ūlttyq portaly.
Memleket basşysyn QHR Töraǧasy Si Szinpin men onyŋ jūbaiy Pen Liiuan qarsy aldy.
Aqorda sammitke qatysuşy elder delegasiiasy basşylarynyŋ bırlesken suretterın de jariialady.
Eske sala keteiık, 30 tamyzda Qasym-Jomart Toqaev Şanhai yntymaqtastyq ūiymynyŋ sammitıne qatysu üşın Qytaidyŋ Tianszin qalasyna barǧan bolatyn. Sol künı ol QHR Töraǧasy Si Szinpinmen kelıssözder jürgızdı. Köşbasşylar sauda-ekonomikalyq, investisiialyq jäne mädeni-gumanitarlyq bailanystardy nyǧaitu joldaryn talqylady.
Prezidenttıŋ sapar baǧdarlamasyna säikes, 31 tamyz – 1 qyrküiek künderı ol ŞYŪ sammitıne jäne “ŞYŪ plius” otyrysyna qatysady. 2 qyrküiekte Beijıŋde ötetın “Qazaqstan – QHR” ıskerlık keŋesınde söz söilep, qytailyq ırı kompaniialardyŋ jetekşılerımen kezdesedı. Al 3 qyrküiek künı Toqaev Ekınşı düniejüzılık soǧystaǧy Jeŋıstıŋ 80 jyldyǧyna arnalǧan saltanatty şaralarǧa qūrmettı qonaq retınde qatysady.
