قاسىم-جومارت توقاەۆ قىتايدىڭ تيانتسزين قالاسىندا ءوتىپ جاتقان شانحاي ىنتىماقتاستىق ۇيىمى ءسامميتى اياسىنداعى سالتاناتتى قابىلداۋعا قاتىستى، دەپ حابارلايدى "ادىرنا" ۇلتتىق پورتالى.
مەملەكەت باسشىسىن قحر توراعاسى سي تسزينپين مەن ونىڭ جۇبايى پەن ليۋان قارسى الدى.
اقوردا سامميتكە قاتىسۋشى ەلدەر دەلەگاتسياسى باسشىلارىنىڭ بىرلەسكەن سۋرەتتەرىن دە جاريالادى.
ەسكە سالا كەتەيىك، 30 تامىزدا قاسىم-جومارت توقاەۆ شانحاي ىنتىماقتاستىق ۇيىمىنىڭ سامميتىنە قاتىسۋ ءۇشىن قىتايدىڭ تيانتسزين قالاسىنا بارعان بولاتىن. سول كۇنى ول قحر توراعاسى سي تسزينپينمەن كەلىسسوزدەر جۇرگىزدى. كوشباسشىلار ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق بايلانىستاردى نىعايتۋ جولدارىن تالقىلادى.
پرەزيدەنتتىڭ ساپار باعدارلاماسىنا سايكەس، 31 تامىز – 1 قىركۇيەك كۇندەرى ول شىۇ سامميتىنە جانە “شىۇ پليۋس” وتىرىسىنا قاتىسادى. 2 قىركۇيەكتە بەيجىڭدە وتەتىن “قازاقستان – قحر” ىسكەرلىك كەڭەسىندە ءسوز سويلەپ، قىتايلىق ءىرى كومپانيالاردىڭ جەتەكشىلەرىمەن كەزدەسەدى. ال 3 قىركۇيەك كۇنى توقاەۆ ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا ارنالعان سالتاناتتى شارالارعا قۇرمەتتى قوناق رەتىندە قاتىسادى.
