Qazaqstanda auqymdy ärı būryn bolmaǧan reformalar ıske asyrylyp, halyq onyŋ naqty nätijesın körıp otyr. Būl turaly Memleket basşysy Qasym-Jomart Toqaev Aqordada söilegen sözınde mälımdedı, dep habarlaidy "Adyrna" ūlttyq portaly.
Prezident älemdık ahualdyŋ kürdelene tüskenıne qaramastan, Qazaqstan baisaldy ärı beitarap syrtqy saiasat jürgızıp kele jatqanyn atap öttı. Onyŋ aituynşa, būl ūstanym eldıŋ tūraqty damuyna qolaily jaǧdai jasap otyr.
"Jahandaǧy jaǧdai kürdelı, bolaşaq būlyŋǧyr. Soǧan qaramastan, elımız syrtqy saiasatta baiypty baǧyt ūstanyp keledı. Būl Qazaqstannyŋ damuyna mümkındık berude", – dedı Qasym-Jomart Toqaev.
Memleket basşysy elde jürgızılıp jatqan tübegeilı jaŋǧyrtularǧa da toqtaldy. Onyŋ aituynşa, konstitusiialyq reforma jüzege asyrylyp, jalpyhalyqtyq referendum arqyly Ata zaŋǧa maŋyzdy özgerıster engızılgen. Sonyŋ nätijesınde Parlamenttıŋ qūzyretı keŋeiıp, Ükımettıŋ jauapkerşılıgı artqan. Sondai-aq saiasi partiialardyŋ rölı küşeiıp, Konstitusiialyq sot qūryldy. Azamattar strategiialyq maŋyzy bar şeşımder qabyldauǧa belsendı türde qatysa bastaǧan.
"Bır sözben aitqanda, Qazaqstanda būryn-soŋdy bolmaǧan tyŋ özgerıster jasaldy. Eŋ bastysy – halyq reformanyŋ igılıgın körıp otyr, özgerısterdıŋ äserın naqty sezınude", – dedı Prezident.
Qasym-Jomart Toqaev biylǧy Joldauynda Parlamenttık reforma ūsynǧanyn eske salyp, būl bastamaǧa bailanysty qoǧamnan köptegen ūsynys tüsıp jatqanyn aitty. Eger halyq qoldasa, bır palataly käsıbi Parlament qūru mümkındıgı qarastyrylatynyn jetkızdı.
Prezidenttıŋ aituynşa, mūndai qadam memlekettıŋ damuy üşın tiımdı ärı paidaly bolmaq.
