Özbekstan prezidentı Şavkat Mirzieev repressiia qūrbandaryn eske alu künıne arnalǧan saltanatty şaraǧa qatysty. Is-şara Taşkenttegı «Şahidlar hotirasi» alleiasynda öttı. Būl turaly Özbekstan prezidentınıŋ baspasöz qyzmetı jazdy, dep habarlaidy “Adyrna”.
Būl jerde memlekettık jäne qoǧamdyq ūiymdardyŋ ökılderı, ziialy qauym men ardagerler bas qosty. Qaza tapqandardyŋ ruhyna Qūran sürelerı oqylyp, as berıldı.
«Bız jyl saiyn Täuelsızdık künı qarsaŋynda Otan erkındıgı jolynda janyn qiǧan ata-babalarymyzdyŋ ruhyna dūǧa baǧyştaimyz. Olardyŋ erlıgı men janqiiarlyǧy – bız üşın ärdaiym ülgı bolyp qala beredı», – dedı Özbekstan prezidentı.
Baspasöz qyzmetınıŋ mälımetınşe, repressiia jyldary 100 myŋnan astam jazyqsyz azamat quǧyn-sürgınge ūşyrap, köbısı atu jazasyna kesılgen nemese alys aimaqtarǧa jer audarylǧan. Bır ǧasyrǧa juyq uaqyt ötse de, būl qaiǧyly oqiǧalardyŋ el jadyndaǧy ızı älı de öşken joq.
Mirzieev soŋǧy jyldary Özbekstanda ata-babalar ruhyn ūlyqtau baǧytynda auqymdy jūmystar atqarylǧanyn atap öttı. 1200-den astam quǧyn-sürgın qūrbany aqtalyp, «Quǧyn-sürgın qūrbandaryn eske alu» muzeiı jaŋǧyrtylyp, myŋdaǧan jaŋa qūjattarmen tolyqtyryldy. Mūndai muzeiler eldıŋ basqa aimaqtarynda da aşylyp jatyr. Prezident biyl jädidşıler qozǧalysynyŋ jetekşısı Mahmūdhodja Behbudidıŋ tuǧanyna 150 jyl tolatynyn atap ötıp, Būharada jädidter mūrasy jönındegı Memlekettık muzei qūrylyp jatqanyn aitty.
Mirzieev jädidterdıŋ aǧartuşylyq qyzmetıne erekşe toqtaldy. Olar köptegen salada jaŋaşyl bolǧan: alǧaşqy özbek romandaryn, teatr jäne kino şyǧarmalaryn, türlı pänder boiynşa oqulyqtar jazǧan. Eger 1920-jyldary Germaniiada bılım alǧan Türkıstan jastary quǧyn-sürgınge ūşyramaǧanda, olar qoǧamdy tübegeilı özgertuı mümkın edı.
«Tarihty halyqqa, äsırese jastarǧa "tırı" küiınde jetkızu maŋyzdy. Ötken jyldan bastap qazan aiynyŋ bırınşı aptasy saiasi quǧyn-sürgın qūrbandaryn eske alu aptalyǧy retınde atap ötıledı. Biyl būl Apta – este saqtau jäne tärbie aptalyǧy formatynda ötude. Bız ony mazmūnǧa bai etıp, är azamatqa qoljetımdı etuımız kerek: mektepter men joǧary oqu oryndarynda arnaiy sabaqtar, telebaǧdarlamalar, jastarǧa arnalǧan baiqaular ötkızu qajet», – dedı Mirzieev.
Sondai-aq, 29 tamyzda memleket basşysy «Jaŋa Özbekstan» saiabaǧyna baryp, Täuelsızdık monumentıne gül şoǧyn qoidy.
Prezidenttıŋ baspasöz qyzmetı atap ötkendei, būl eskertkış Özbekstan tarihyndaǧy köne däuırden qazırgı künge deiıngı maŋyzdy oqiǧalardy, ūly ǧalymdar men memleket qairatkerlerınıŋ beinesın beineleidı. Onyŋ töbesınde eltaŋbadaǧy Humo qūsy beinelengen — būl halyqtyŋ asqaq armandary men ūlt qūndylyqtarynyŋ simvoly.
Gül qoiu räsımıne parlamenttıŋ qos palatasynyŋ deputattary, Prezident äkımşılıgınıŋ qyzmetkerlerı, ükımet müşelerı men Taşkent qalasynyŋ jūrtşylyǧy qatysty.
