Ekı el prezidentterı bırlesken brifing ötkızıp, strategiialyq serıktestıktı nyǧaitu turaly mälımdedı, dep habarlaidy “Adyrna” ūlttyq portaly.
Qasym-Jomart Toqaev özbek halqyna jäne prezident Mirziioevke qazaq delegasiiasyna körsetılgen qonaqjailyq pen jyly qabyldau üşın alǧys bıldırdı.
Memleket basşysy kezdesude jasalǧan uaǧdalastyqtardyŋ ekı eldıŋ ūlttyq müddelerıne tolyq sai keletının atap öttı.
Prezidenttıŋ aituynşa, Qazaqstan men Özbekstan arasyndaǧy qatynastar – myzǧymas dostyqtyŋ, tatu körşılıktıŋ, strategiialyq serıktestıktıŋ jäne odaqtastyqtyŋ aiqyn körınısı.
“Qazaqstan Prezidentı retınde Özbekstanmen köpjosparly yntymaqtastyqty damytuǧa basymdyq beru – menıŋ mındetım. Keibır sarapşysymaqtar aityp jürgendei, Qazaqstan men Özbekstan – baqtalas nemese bäsekeles emes. Kerısınşe, örkendeu jolynda tıze qosyp, qatar kele jatqan strategiialyq serıktes, senımdı odaqtas. Halyqtarymyz bır-bırın şynaiy qūrmetteitın jaqyn bauyrlar”, – dedı Qasym-Jomart Toqaev.
Brifing barysynda Şavkat Mirziioev Qazaqstan Prezidentıne Özbekstannyŋ eŋ joǧary memlekettık nagradasyn tabystady.
Prezident Toqaev pen Si Szinpin Astanadaǧy kezdesu qorytyndysy boiynşa bırqatar qūjattarǧa qol qoidy
