Memleket basşysy Qasym-Jomart Toqaev Özbekstan Respublikasynyŋ prezidentı Şavkat Mirzieevpen telefon arqyly söilestı, - dep habarlaidy adyrna.kz Aqorda saityna sılteme jasap.
Äŋgımelesu barysynda Qazaqstan Prezidentı Syrdariia oblysyndaǧy Sardoba su qoimasy bögetınıŋ būzylu saldaryn joiu jönındegı Özbekstannyŋ qolǧa alǧan ıs-qimyldaryn joǧary baǧalap, bauyrlas ärı tatu körşı özbek halqyna kömek körsetuge daiyn ekenın jetkızdı.
Şavkat Mirziioev Qasym-Jomart Toqaevqa qoldau bıldırgenı üşın alǧys aityp, atalǧan apat Qazaqstannyŋ oŋtüstıgındegı bırqatar eldı mekenge de ziian tigızgenıne ökınış bıldırdı. Osyǧan orai Özbekstan Prezidentı su tasqynynan zardap şekken audandardy tezırek qaita qalpyna keltıru maqsatynda bırlesken şaralar qabyldauǧa niettı ekenın aitty.
Memleketter basşylary qalyptasqan jaǧdaiǧa orai tuyndaǧan barlyq mäselenı şūǧyl şeşu üşın ekı eldıŋ Ükımetterı deŋgeiındegı üilesımdı jūmystyŋ maŋyzdylyǧyn atap öttı. Sonymen qatar taraptar COVID-19 virusyna qarsy küreste ekı eldıŋ atqaryp jatqan tiımdı ärı jüielı jūmystaryna köŋılderı tolatynyn aityp, sonyŋ arqasynda ındettıŋ keŋ taraluyna jol berılmegenıne toqtaldy.
Osy rette taraptar pandemiianyŋ Qazaqstan men Özbekstan arasyndaǧy sauda-ekonomikalyq qatynastarǧa kerı äserın boldyrmau maqsatynda ekıjaqty yqpaldastyqty jandandyru qajettıgıne nazar audardy. Atap aitqanda auyl şaruaşylyǧy, maşina jasau, jeŋıl önerkäsıp jäne taǧy basqa salalardaǧy eksport äleuetın arttyru üşın bırlesken öndırıs oryndaryn aşu turaly uaǧdalastyqqa qol jetkızıldı.
Qazaqstan tarapynyŋ bastamasymen bolǧan äŋgımelesu jyly jäne dostyq räuışte öttı.
Keşe Maqtaaral audanynyŋ ekı auylyn su basqanyn, al bügın su tasqynynyŋ atalǧan audandaǧy Örgebas eldımekenıne jetkenın habarlaǧan bolatynbyz.
Ūqsas jaŋalyqtar
