Bloger Toqbergen Äbiev 50 million teŋge bopsalady degen küdıkpen qamauǧa alyndy. Būl turaly Sybailas jemqorlyqqa qarsy ıs-qimyl agenttıgı habarlady, dep jazady "Adyrna" ūlttyq portaly.
"Sybailas jemqorlyqqa qarsy qyzmet Toqbergen Äbievtıŋ būqaralyq aqparat qūraldarynda ziiandy mälımetterdı taratu jäne özınıŋ Youtube-arnasynda şyndyqqa säikes kelmeitın beinejazbalardy joiu üşın käsıpkerden asa ırı mölşerde aqşa bopsalady degen küdıkpen qylmystyq äreketınıŋ jolyn kestı. Ötken jyldyŋ 14 jeltoqsanda Äbiev 50 million teŋgemen ūstalyp, sottyŋ sanksiiasynan 2 ai merzımge qamauǧa alyndy",- delıngen habarlamada.Antikordyŋ habarlauynşa, būdan basqa Äbiev memlekettık organdar qyzmetkerlerı men azamattardy adastyru maqsatynda «Sybailas jemqorlyqqa qarsy küres Departamentı» JŞS jeke zaŋdy tūlǧasyn tırkegenı anyqtaldy.
"Atalǧan ūiymnyŋ basşysy bolyp körınıp, sol arqyly bilık ökılınıŋ beinesın jasai otyryp, Äbiev käsıpkerler men memlekettık organdardyŋ lauazymdy adamdarynan özınıŋ jeke müddesı üşın ıs-äreketter jasaudy, sondai-aq zaŋda belgılengen tärtıptı būza otyryp aqparat pen materialdar berudı talap ettı. Abiev tek özıne-özı qyzmet etu sebepterın közdei otyryp, aqşalai syiaqylar üşın jeke tūlǧalarǧa öz ūiymy qyzmetkerınıŋ qyzmettık kuälıkterın berıp, olardy bilık ökılınıŋ märtebesı turaly jaŋylystyrdy. Alaida, Äbievtıŋ qyzmetı qūqyq qorǧau organdarynyŋ jūmysymen eşqandai bailanysty emes. Äbievtıŋ basqa da osyǧan ūqsas qylmystarǧa qatysy turaly aqparat tekserıledı",- delıngen habarlamada.
"Adyrna" ūlttyq portaly
Ūqsas jaŋalyqtar
