Almaty qalasynda bırınşı synypqa qazırdıŋ özınde 27 myŋǧa juyq bala qabyldandy. Onyŋ ışınde 57 paiyzy memlekettık tılde bılım alatyn bolady. Būl turaly qalalyq bılım basqarmasynyŋ basşysy Sairan Saifedenov Öŋırlık kommunikasiialar qyzmetınde ötken baspasöz mäslihatynda mälımdedı, dep habarlaidy «Adyrna» tılşısı.
Onyŋ sözınşe, jyl saiyn memlekettık tılde oquǧa degen sūranys artyp keledı. Bügınde megapolistegı barlyq oquşylardyŋ 51%-y qazaq tılınde bılım alyp jatyr.
«Mysaly, 1990 jyly memlekettık tılde bar-joǧy 11 myŋ ǧana oquşy oqyǧan bolsa, biyl olardyŋ sany 177 myŋǧa jaqyndady. Iаǧni būl körsetkış tabiǧi türde 16 esege östı», – dedı Saifedenov.
Spikerdıŋ aituynşa, Qazaqstan Respublikasynyŋ ärbır azamaty balasynyŋ oqu tılın öz qalauy boiynşa taŋdauǧa qūqyly. Qoldanystaǧy normativtık erejelerge säikes, mektepter qyzmet körsetu aimaǧynda tūratyn barlyq balalardy qabyldauǧa mındettı, al jaŋa bılım beru mekemelerın aşu barysynda oqu tılı qoǧamdyq sūranysqa qarai anyqtalady.
«Soŋǧy 12 jylda Almatyda 24 jaŋa mektep aşyldy, sonyŋ 19-y nemese 80%-y – memlekettık tılde bılım beredı. Sonymen qatar, «Keleşek mektepterı» Ūlttyq jobasy aiasynda aşyluy josparlanǧan 12 mekteptıŋ 9-y qazaq tılınde bolady. Mūnyŋ bärı ata-analardyŋ sūranysyna bailanysty», – dep atap öttı Bılım basqarmasynyŋ basşysy.
Brifing barysynda aitylǧandai, basty basymdyq – halyqtyŋ qajettılıkterın eskere otyryp, qolaily ärı qoljetımdı bılım beru ortasyn qalyptastyru.
Aita keteiık, 1-synypqa qūjat qabyldau 31 tamyzǧa deiın jalǧasady.
